بەلگىلى بولعانداي، 1980 -جىلى ايەلدىڭ اناسى ونىڭ دۇنيەگە كەلگەنىن ازاماتتىق حال اكتىلەرىن تىركەۋ ورگاندارىندا تىركەمەگەن.
ال سول كەزەڭدەگى مەديتسينالىق مۇراعات قۇجاتتارى ساقتاۋ مەرزىمىنىڭ اياقتالۋىنا بايلانىستى جويىلعان. سوندىقتان ايەلدىڭ تۋۋىنا قاتىستى قۇجاتتاردى سوتتان تىس تارتىپپەن قالپىنا كەلتىرۋ مۇمكىن بولماعان.
ج س ن- ءى بولماعاندىقتان، ايەل سوتقا ءوز بەتىنشە جۇگىنە الماعان. بۇعان دەيىن اپكەسىنىڭ بەرگەن ءوتىنىشى دە قاناعاتتاندىرىلماعان.
- ازاماتشانىڭ قۇقىقتارىن قورعاۋ ماقساتىندا الاتاۋ قالاسىنىڭ پروكۋراتۋراسى سوتقا ونىڭ تۋۋ فاكتىسىن انىقتاۋ تۋرالى تالاپ قويۋمەن جۇگىندى. سوت تالاپتى قاناعاتتاندىردى، - دەپ حابارلادى پروكۋراتۋرا.
ەندى ايەل جەكە باسىن كۋالاندىراتىن قۇجاتتارىن راسىمدەي الادى. بۇل وعان مەديتسينالىق كومەك الۋعا، رەسمي تۇردە جۇمىسقا ورنالاسۋعا جانە مەملەكەتتىك الەۋمەتتىك قولداۋ شارالارىن پايدالانۋعا مۇمكىندىك بەرەدى.
ايتا كەتەيىك، بۇعان دەيىن تۇركىستان وبلىسىندا 30 جىل بويى تۋۋ تۋرالى كۋالىكسىز ءومىر سۇرگەن ازاماتتىڭ دۇنيەگە كەلگەنى سوت ارقىلى راستالعان ەدى. ونىڭ اتا-اناسى 1994 -جىلى تۋۋ تۋرالى قۇجاتتارىن راسىمدەمەگەن.