الماتى وبلىسىنىڭ اكىمدىگى بۇل دەرەككە قاتىستى تۇسىنىكتەمە بەردى.
رەسمي جاۋاپقا سايكەس، بەينەجازباداعى وقيعا 2026 -جىلعى 16-قاڭتاردا شامالعان اۋىلىنىڭ جاڭا قازاق ورتا مەكتەبىندە بولعان. ساعات 09:00 شاماسىندا مۇعالىم مەن 11-سىنىپ وقۋشىسىنىڭ اراسىندا جانجال تۋىنداعان. وقىتۋشى جاسوسپىرىمگە ەسكەرتۋ جاساپ، ساباققا بارۋىن تالاپ ەتكەن.
الايدا وقۋشى ەسكەرتۋلەردى اگرەسسيۆتى تۇردە قابىلداپ، پەداگوگكە قول جۇمساعان.
- اتالعان دەرەك بويىنشا قۇقىق قورعاۋ ورگاندارى سوتقا دەيىنگى تەرگەۋ امالدارىن باستادى، قاجەتتى تەرگەۋ شارالارى جۇرگىزىلىپ جاتىر. وقيعانىڭ بارلىق ءمان-جايى قولدانىستاعى زاڭناما اياسىندا انىقتالادى، تەرگەۋ قورىتىندىسى بويىنشا ءتيىستى قۇقىقتىق باعا بەرىلەدى. مەكتەپ اكىمشىلىگى، ءبىلىم ءبولىمى، سونداي-اق قۇزىرلى ورگاندار تاراپىنان قاجەتتى پروفيلاكتيكالىق جانە ءتۇسىندىرۋ جۇمىستارى جۇرگىزىلىپ جاتىر، - دەپ حابارلادى اكىمدىكتەن.
ەسكە سالايىق، پەداگوگتەر بالالاردىڭ ءومىرى مەن دەنساۋلىعى ءۇشىن تەك وقۋ-تاربيە پروتسەسى كەزىندە جاۋاپتى بولادى. بۇل تۋرالى ءماجىلىستىڭ جالپى وتىرىسىندا ءبىلىم بەرۋ ماسەلەلەرى بويىنشا وزگەرىس ەنگىزۋدى تالقىلاۋ كەزىندە دەپۋتات اسحات ايماعامبەتوۆ ءمالىم ەتتى.