قالالىق ءبىلىم باسقارماسىنىڭ باسشىسى ساكەن ارالبايەۆتىڭ ايتۋىنشا، شىلدە ايىنان باستاپ قالاداعى 10 مەكتەپتە ج ي سەرۆيسى سىناقتان ءوتىپ جاتىر. ونىڭ قاتارىندا مۇعالىمنىڭ سيفرلىق كومەكشىسى، وقۋشىعا ارنالعان ج ي- تيۋتور مەن اناليتيكالىق جۇيەلەر بار.
- الداعى ۋاقىتتا مۇنداي تەحنولوگيانى كەڭىنەن قولدانۋ جوسپارلانىپ وتىر. نەگىزگى ماقسات - جاساندى ينتەللەكت ارقىلى پەداگوگتەردىڭ كۇندەلىكتى قايتالاناتىن جۇمىسىنىڭ ءبىر بولىگىن ازايتۋ. 2029-جىلعا قاراي مۇعالىمدەردىڭ اكىمشىلىك جۇكتەمەسىن شامامەن 30 پايىزعا قىسقارتۋ كوزدەلگەن، - دەدى ول.
تاعى ءبىر جاڭا جۇيە - SANA. ول پەداگوگتەردىڭ وقۋ جۇكتەمەسىن، جالاقى ەسەپتەۋدى، جۇمىس ۋاقىتىنىڭ تابەلدەرى مەن قىزمەتكەرلەر تۋرالى ناقتى دەرەكتەردى اۆتوماتتى تۇردە سالىستىرۋى ءتيىس.
سونىمەن قاتار ساكەن ارالبايەۆ وقۋشىلاردىڭ وقۋ كەستەسىندە وزگەرىس بولاتىنىن اتاپ ءوتتى.
ايتۋىنشا، 5-7-سىنىپ وقۋشىلارى ءۇشىن «كونستيتۋتسيا نەگىزدەرى» ءپانى، 8-11-سىنىپ وقۋشىلارى ءۇشىن «زاڭ مەن ءتارتىپ» كۋرسى ەنگىزىلەدى. وعان قوسا «جەكە قاۋىپسىزدىك» كۋرسى جالعاسىپ، «جاسىل مەكتەپ» ەكولوگيالىق جوباسى ەنگىزىلە باستايدى.
ەسكە سالايىق، بۇعان دەيىن «ينفورماتيكا جانە جاساندى ينتەللەكت» ءپانى اياسىندا وقۋشىلار ج ي- ءدىڭ قىر-سىرىن مەڭگەرە الاتىنىن جازعانبىز.