الاكولدەگى ادام ءولىمى: مينيسترلىك سۋداعى قاۋىپسىزدىككە بايلانىستى تۇسىنىكتەمە بەردى
استانا. KAZINFORM - مينيسترلىك كولىك مينيسترلىگىنە، ىشكى ىستەر مينيسترلىگىنە، سونداي-اق جەرگىلىكتى اتقارۋشى ورگاندارعا رەسمي حات جولداپ، سۋ ايدىندارىندا دەمالۋشىلاردىڭ قاۋىپسىزدىگىن باقىلاۋدى كۇشەيتۋ جونىندە قاتاڭ ۇسىنىس ءبىلدىردى.
- تۋريزم جانە سپورت مينيسترلىگى الاكول كولىندە بولعان قايعىلى وقيعاعا بايلانىستى كوز جۇمعان ازاماتتىڭ تۋىستارى مەن جاقىندارىنا قايعىرىپ، كوڭىل ايتادى. ء بىز وتباسى مۇشەلەرىنىڭ قايعىسىنا ورتاقتاسا وتىرىپ، بۇل قايعىلى جاعدايدىڭ بارلىق ءمان-جايىن جان-جاقتى جانە ءادىل تەرگەۋگە، سونداي-اق كىنالىلەردى قازاقستان رەسپۋبليكاسىنىڭ زاڭناماسىنا سايكەس جاۋاپكەرشىلىككە تارتۋعا سەنىم ارتامىز، - دەلىنگەن حابارلامادا.
مينيسترلىك تۋريستىك ماۋسىم الدىندا جەرگىلىكتى اتقارۋشى ورگاندار مەن ورتالىق قۇزىرلى مەملەكەتتىك ورگانداردىڭ نازارىن، اسىرەسە جاعالاۋ مەن سۋ ايدىندارىنداعى دەمالۋشىلاردىڭ قاۋىپسىزدىگىن قامتاماسىز ەتۋ قاجەتتىلىگىنە اۋدارعان بولاتىن.
- سونىمەن قاتار سۋ كولىگى قىزمەتىن رەتتەۋ ماسەلەلەرى، ونىڭ ىشىندە ليتسەنزيالاۋ، باسقارۋعا رۇقسات بەرۋ، تەحنيكالىق تەكسەرىس جانە شاعىن كولەمدەگى كەمەلەردى تىركەۋ - تۋريزم جانە سپورت مينيسترلىگىنىڭ قۇزىرەتىنە جاتپايدى. وسىعان بايلانىستى، مينيسترلىك كولىك مينيسترلىگىنە، ىشكى ىستەر مينيسترلىگىنە، سونداي-اق جەرگىلىكتى اتقارۋشى ورگاندارعا رەسمي حات جولداپ، سۋ ايدىندارىندا دەمالۋشىلاردىڭ قاۋىپسىزدىگىن باقىلاۋدى كۇشەيتۋ جانە مۇنداي قايعىلى وقيعالاردىڭ الدىن الۋ ءۇشىن بارلىق قاجەتتى شارالاردى قابىلداۋ جونىندە قاتاڭ ۇسىنىس ءبىلدىردى. مينيسترلىك تۋريستەردىڭ قاۋىپسىزدىگىن قامتاماسىز ەتۋگە باعىتتالعان كەشەندى شارالار جۇيەسىن جەتىلدىرۋ جانە ۋاكىلەتتى قۇرىلىمدار تاراپىنان اقپاراتتاندىرۋ، الدىن الۋ جانە باقىلاۋ ماسەلەلەرىن قوسا العاندا، ۆەدومستۆوارالىق ءوزارا ءىس-قيمىلدى نىعايتۋ جۇمىستارىن جالعاستىرادى، - دەلىنگەن مينيسترلىك حابارلاماسىندا.
ايتا كەتەلىك الاكولدە كاتەر قاعىپ كەتكەن ايەل كوز جۇمعان ەدى.