الاكولدە كاتەر قاعىپ كەتكەن ايەل كوز جۇمدى
سەمەي. KAZINFORM - اباي وبلىسىنداعى الاكولدە كاتەر قاققان 63 جاستاعى ايەل ادامنىڭ قازا بولۋىنا بايلانىستى قىلمىستىق ءىس قوزعالدى.
وقيعا جاعالاۋدان شامامەن 200-250 مەتر قاشىقتىقتا بولعان. الدىن الا مالىمەت بويىنشا، ايەل ادام قاۋىپسىزدىك ايماعىنان اسىپ، ارى قاراي ءجۇزىپ كەتكەن. سول كەزدە كەلە جاتقان كاتەر ونى بايقاماي قاعىپ كەتكەن. جاراقاتتىڭ اۋىرلىعىنان زەينەتكەر وقيعا ورنىندا كوز جۇمدى.
وبلىستىق پوليتسيا دەپارتامەنتىنىڭ مالىمەتىنشە، كاتەر تىزگىنىندە بولعان ازامات ۋاقىتشا ۇستاۋ يزولياتورىنا قامالدى. قازىر قاجەتتى سوت-مەديتسينالىق جانە تەحنيكالىق ساراپتامالار تاعايىندالدى.
- سۋ كولىگىن باسقارۋ جانە پايدالانۋ ەرەجەلەرى بۇزىلۋىنىڭ ادام ولىمىنە اكەپ سوعۋى فاكتىسى بويىنشا قىلمىستىق كودەكسىنىڭ ءتيىستى بابىمەن سوتقا دەيىنگى تەرگەۋ امالدارى جۇرگىزىلىپ جاتىر. وقيعا ورنىندا ۋاكىلەتتى ورگانداردىڭ قىزمەتكەرلەرى جۇمىس ىستەپ جاتىر. تەكسەرۋ ناتيجەلەرى بويىنشا پروتسەسسۋالدىق شەشىم قابىلدانادى، - دەلىنگەن اقپاراتتا.
ەسكە سالساق، وسىعان دەيىن ش ق و- دا قايىقتان قۇلاپ كەتكەن ادامنىڭ دەنەسى تابىلعانى حابارلانعان.