الاكول جاعالاۋىن بەكىتۋگە 20 ميلليارد ءبولىندى: جوبا قاشان باستالادى
تالدىقورعان. KAZINFORM - جەتىسۋ وبلىسىندا الاكول كولىنىڭ جاعالاۋىن بەكىتۋ جانە سەرۋەن ايماعىن اباتتاندىرۋ جوباسى باستالعالى جاتىر.
الاكول اۋدانىنىڭ اكىمى الماس ءابدينوۆ اگەنتتىك تىلشىسىنە بەرگەن جاۋابىندا نەگىزگى جۇمىستار قاشان باستالاتىنىن ايتتى.
- بايقاۋ راسىمدەرى اياقتالىپ، مەردىگەر ۇيىم تاڭدالدى. 1-شىلدەدەن باستاپ ولار كوكتۇما ماڭىنا كەلدى. جۇمىستار الدىمەن كوكتۇما اۋىلى جاقتان باستالادى، سەبەبى اقشي اۋىلىندا قازىر شومىلۋ ماۋسىمىنىڭ قىزعان شاعى. اقشيدە قۇرىلىس جۇمىستارى 10-تامىزدان باستالادى دەپ جوسپارلانعان. بۇل جوبانىڭ العاشقى كەزەڭى. ەكىنشى كەزەڭى - جاعالاۋ اۋماعىن اباتتاندىرۋ، - دەدى اكىم.
ونىڭ ايتۋىنشا، جوبانىڭ العاشقى كەزەڭىن جۇزەگە اسىرۋ ءۇشىن رەسپۋبليكالىق بيۋجەتتەن 19 ميلليارد تەڭگە بولىنەدى. قازىردىڭ وزىندە 1,5 ميلليارد تەڭگە قاراجات بەرىلگەن. جۇمىستاردى ەكى جىل ىشىندە اياقتاۋ كوزدەلىپ وتىر. دامبانىڭ جالپى ۇزىندىعى 13 شاقىرىمنان اسادى. اقشي جانە كوكتۇما اۋىلدارىنىڭ بويىنداعى كول جاعالاۋى بەكىتىلەدى. بۇل دامبانىڭ نەگىزگى ماقساتى - جاعانى جويقىن تولقىندار مەن كوكتەمگى مۇزداردىڭ سوققىسىنان قورعاۋ.
ەسكە سالايىق، بۇعان دەيىن الاكول جاعالاۋىندا 2018-جىلدان بەرى جوندەۋ جۇمىستارى جۇرگىزىلمەگەنىن جازعانبىز.
سونداي-اق اۋدانىنىڭ اكىمى الماس ءابدينوۆ الاكولدەگى دەمالىس قۇنى تۋرالى پىكىر ءبىلدىردى.