الداعى كۇندەرى ءبىرقاتار وڭىردە قار جاۋىپ، تۇندە ۇسىك جۇرەدى

الداعى كۇندەرى اتموسفەرالىق فرونتتاردىڭ وتۋىنە بايلانىستى قازاقستاننىڭ باسىم بولىگىندە جاڭبىر جانە قار تۇرىندە جاۋىن-شاشىن كۇتىلەدى. 15-قازاندا ەلدىڭ شىعىسى مەن وڭتۇستىك-شىعىسىندا كەي ۋاقىتتاردا قاتتى جاۋىن-شاشىن (جاڭبىر، قار) بولجانادى. ەلدىڭ شىعىسىندا كوكتايعاق بولادى. تەك رەسپۋبليكانىڭ ورتالىعى مەن وڭتۇستىگىندە جاۋىن-شاشىنسىز اۋا رايى كۇتىلەدى.

16-17 قازانعا قاراعان تۇندەرى ەلدىڭ وڭتۇستىك- شىعىسىندا 1-2 گرادۋس ۇسىك جۇرەدى. رەسپۋبليكا بويىنشا جەلدىڭ كۇشەيۋى، تۇنگى جانە تاڭەرتەڭگى ۋاقىتتا تۇمان بولادى.

اۋا تەمپەراتۋراسى:

ەلدىڭ باتىسىندا: تۇندە 7… 15°C- قا دەيىن، كۇندىز 17… 25°C- قا دەيىن تومەندەيدى؛

اقتوبە وبلىسىندا: تۇندە 1… 6°C، ءوڭىردىڭ سولتۇستىگى مەن شىعىسىندا −1…−3°C، كۇندىز 15… 23°C- قا دەيىن تومەندەيدى؛

قوستاناي وبلىسىندا: تۇندە −1…−6°C- قا دەيىن تومەندەيدى، كۇندىز اۋا تەمپەراتۋراسى 12… 17°c- تان 10… 15°C- قا دەيىن ازداپ قۇبىلادى؛

ەلدىڭ سولتۇستىگىندە: تۇندە −3…−8°C- قا دەيىن تومەندەيدى، 17-قازاننان باستاپ 0… 8°C- قا دەيىن جوعارىلايدى. كۇندىز اۋا تەمپەراتۋراسى ازداپ كوتەرىلىپ، 7… 12°C بولادى؛

ۇلىتاۋ وبلىسىندا: تۇندە اۋا تەمپەراتۋراسى نەگىزىنەن 0… 6°C، ءوڭىردىڭ سولتۇستىگى مەن شىعىسىندا −3°C بولادى. كۇندىز 10… 20°C كۇتىلەدى؛

قاراعاندى وبلىسىندا: تۇندە اۋا تەمپەراتۋراسى نەگىزىنەن −1…−8°C، ءوڭىردىڭ وڭتۇستىگىندە 3°C بولادى. كۇندىز بىرتىندەپ 10… 15°C- قا دەيىن جوعارىلايدى؛

ەلدىڭ شىعىسىندا: تۇندە اۋا تەمپەراتۋراسى −1…−6°C- تان −3…−11°C- قا دەيىن ازداپ تومەندەيدى. كۇندىز نەگىزىنەن 3… 12°C، ءوڭىردىڭ شىعىسىندا −2°C بولادى؛

رەسپۋبليكانىڭ وڭتۇستىگىندە: تۇندە اۋا تەمپەراتۋراسى 2… 10°C- قا دەيىن، كۇندىز 15… 25°C- قا دەيىن ازداپ تومەندەيدى؛

ەلدىڭ وڭتۇستىك- شىعىسىندا: تۇندە اۋا تەمپەراتۋراسى 0… 8°C- قا دەيىن، تاۋلى اۋدانداردا −2…−7°C- قا دەيىن تومەندەيدى. كۇندىز اۋا تەمپەراتۋراسى 12… 22°C- تان 10… 18°C- قا دەيىن ازداپ قۇبىلادى.