الداعى ءۇش كۇندىك اۋا رايى بولجامى

الداعى كۇندەرى قازاقستان اۋماعىندا اتموسفەرالىق فرونتالدى بولىكتەردىڭ وتۋىنە بايلانىستى اۋا رايى قۇبىلمالى بولادى، جاڭبىر جاۋىپ، نايزاعاي وينايدى.

- 13 جانە 15-ماۋسىمدا قوستاناي وبلىسىندا، 15-ماۋسىمدا ماڭعىستاۋ، سولتۇستىك قازاقستان جانە اقمولا وبلىستارىندا قاتتى جاڭبىر جاۋادى دەپ بولجانادى، - دەلىنگەن حابارلامادا.

بۇكىل كەزەڭ بويى ەلىمىزدىڭ سولتۇستىگىندە، سولتۇستىك-باتىسىندا، ال 15-ماۋسىمدا وڭتۇستىك-باتىسىندا بۇرشاق جاۋىپ، داۋىلدى جەل سوعۋى مۇمكىن. رەسپۋبليكا بويىنشا جەلدىڭ كۇشەيۋى كۇتىلەدى.

كۇندىز بۇكىل كەزەڭ بويى شىعىس قازاقستان جانە اباي وبلىستارىندا، 14-15-ماۋسىمدا قاراعاندى، جامبىل، الماتى وبلىستارىندا جانە جەتىسۋ وبلىسىندا، 15-ماۋسىمدا اتىراۋ وبلىسىندا قاتتى ىستىق ساقتالادى.

اۋا تەمپەراتۋراسى 35 38 گرادۋسقا دەيىن كوتەرىلەدى.

ايتا كەتەيىك، بۇگىن ەلىمىزدىڭ ەكى قالاسىندا اۋا ساپاسى تومەندەيدى.