سينوپتيكتەردىڭ بولجامىنا سايكەس، ەلىمىدە اۋا رايى كۇرت وزگەرەدى.
- قىركۇيەك ايىنىڭ سوڭىنداعى جىلى كۇزگى كۇندەردىڭ ورنىنا قازاقستان اۋماعىنا قۋاتتى سولتۇستىك سيكلوننىڭ كەلۋىنە بايلانىستى اۋا رايى كۇرت سۋىتىپ، قولايسىز سيپاتقا اۋىسادى. اۋا رايى تۇراقسىز بولادى: رەسپۋبليكا اۋماعىنىڭ باسىم بولىگىندە جاڭبىر جانە قار تۇرىندە جاۋىن-شاشىن كۇتىلەدى. كەزەڭنىڭ سوڭىنا قاراي ەلىمىزدىڭ سولتۇستىگىندە تۇنگى ۋاقىتتا قار، كوكتايعاق جانە جاياۋ بۇرقاسىن بولجانادى. تەك وڭتۇستىك پەن شىعىس وڭىرلەردە جاڭبىر جاۋادى. ەلىمىزدىڭ باتىسى مەن سولتۇستىگىندە تۇندە جانە تاڭەرتەڭ تۇمان كۇتىلەدى. رەسپۋبليكا بويىنشا جەلدىڭ كۇشەيۋى بولجانادى، - دەلىنگەن حابارلامادا.
اۋا تەمپەراتۋراسى ەلىمىزدىڭ سولتۇستىك جارتىسىندا تۇندە 1- دەن 6- گرادۋسقا دەيىن تومەندەيدى.
كۇندىز سولتۇستىك-باتىستا، سولتۇستىكتە جانە ەلىمىزدىڭ ورتالىعىندا اۋا تەمپەراتۋراسى 0، 5 گرادۋسقا دەيىن، شىعىستا 7 12 گرادۋسقا دەيىن، وڭتۇستىكتە جانە وڭتۇستىك-شىعىستا 10 15 گرادۋسقا دەيىن، تاۋلى اۋدانداردا 0, 5 گرادۋسقا دەيىن تومەندەيدى.
ەلىمىزدىڭ باتىسىندا اۋا تەمپەراتۋراسى 10 18 گرادۋسقا دەيىن جوعارىلايدى.
بۇعان دەيىن قازاقستاندا كۇز جىلى ءارى قۇبىلمالى بولادى دەپ بولجانىپ وتىرعانىن جازعان ەدىك.