سينوپتيكتەردىڭ بولجامىنشا، الداعى ءۇش تاۋلىكتە رەسپۋبليكانىڭ باسىم بولىگىندە اۋا رايى تۇراقسىز بولادى دەپ بولجانادى.
- جاڭبىر جانە قار تۇرىندە جاۋىن-شاشىن، كەي ۋاقىتتاردا قاتتى جاۋىن-شاشىن (جاڭبىر، قار) كۇتىلەدى. كوكتايعاق بولادى. تەك ەلىمىزدىڭ باتىسىندا 11-12 قاراشا كۇندەرى جاۋىن-شاشىنسىز اۋا رايى كۇتىلەدى. رەسپۋبليكا بويىنشا جەلدىڭ كۇشەيۋى، تۇنگى جانە تاڭەرتەڭگى ساعاتتاردا تۇمان بولجانادى،- دەلىنگەن حابارلامادا.
اۋا تەمپەراتۋراسىنىڭ نەگىزگى فونى كۇندىز ەلىمىزدىڭ باتىسىندا 3… 12°c، سولتۇستىك- باتىسىندا 0… 8°c، سولتۇستىگىندە، شىعىسىندا جانە ورتالىعىندا −3… 5°c، وڭتۇستىگىندە جانە وڭتۇستىك- شىعىسىندا 2… 10°c بولادى.
وسىدان بۇرىن پاۆلوداردا قاراشا ايى كليماتتىق نورمادان 2 گرادۋسقا جىلى بولاتىنى ايتىلدى.