الاباما شتاتىنداعى جاپپاي اتىس سالدارىنان 4 ادام قازا تاۋىپ، ءبىرقاتار ادام جارالاندى

استانا. KAZINFORM – ا ق ش- تىڭ الاباما شتاتىنداعى بيرمينگەم قالاسىنىڭ ورتالىعىندا سەنبىگە قاراعان ءتۇنى بولعان جاپپاي اتىس سالدارىنان كەمىندە ءتورت ادام قازا تاۋىپ، ونداعان ادام جارالاندى. بۇل تۋرالى جەرگىلىكتى پوليسيا حابارلادى، دەپ جازادى شينحۋا.

بيرمينگەم پوليسياسىنىڭ حابارلاۋىنشا، اتىس الاباما ۋنيۆەرسيتەتىنىڭ جانىنداعى Five Points South ويىن-ساۋىق اۋدانىندا جەرگىلىكتى ۋاقىت بويىنشا 23:00 دە بولعان.

پوليسيانىڭ ايتۋىنشا، بىرنەشە ادام ءبىر توپ ادامعا وق اتقان. وقيعا ورنىنا جەتكەن ءتارتىپ ساقشىلارى ەكى ەر ادام مەن ءبىر ايەلدىڭ ءمايىتىن تاپقان. ءتورتىنشى جابىرلەنۋشى كەيىن اۋرۋحانادا كوز جۇمدى.

كەم دەگەندە ءتورت جابىرلەنۋشى ومىرىنە قاۋىپ توندىرەتىن جاراقاتتار الدى، ال قالعاندارى «ءار ءتۇرلى اۋىرلىقتاعى» جاراقاتتار الدى»، - دەدى پوليتسيا.

جەكسەنبى كۇنى تاڭەرتەڭ ەشكىم ۇستالعان جوق. پوليسەيلەردىڭ ايتۋىنشا، قازىر قىلمىستىڭ سەبەبى تۋرالى ەشقانداي اقپارات جوق.