حالىقارالىق شاحمات فەدەراتسياسى (FIDE) 20 جاسقا دەيىنگى قىزدار اراسىنداعى الەمنىڭ ۇزدىك 100 شاحماتشىسىنىڭ جاڭارتىلعان رەيتينگىن جاريالادى.
19 جاستاعى قازاقستاندىق الۋا نۇرمان رەيتينگىنە 7 ۇپاي قوسىپ، جالپى كورسەتكىشىن 2442 ۇپايعا جەتكىزدى. سونىڭ ناتيجەسىندە ول الەمدىك رەيتينگتە 4-ورىننان ءۇشىنشى ورىنعا كوتەرىلدى.
رەيتينگ كوشىن 2465 ۇپايمەن ۋكراينالىق اناستاسيا گناتىشين باستاپ تۇر. ەكىنشى ورىندا 2443 ۇپايمەن اننا شۋحمان (fide/رەسەي) ورنالاسقان. الۋا نۇرمان ودان نەبارى ءبىر ۇپايعا عانا قالىپ كەلەدى.
قازاقستاندىق شاحماتشى 2025-جىلعى بليتستەن ازيا چەمپيونى اتانعان. سونداي-اق ماۋسىم ايىندا گونكونگتا وتكەن كوماندالىق الەم چەمپيوناتىندا جەكە تاقتاداعى باسەكەدە بليتستەن التىن، ال راپيدتەن كۇمىس مەدال جەڭىپ الدى.
جاڭارتىلعان رەيتينگكە قازاقستاننىڭ باسقا دا شاحماتشىلارى ەندى. امينا قايىربەكوۆا 2353 ۇپايمەن 13-ورىندا تۇر. ەلناز قالياحمەت 2304 ۇپايمەن 22-ورىنعا جايعاسسا، زارينا نۇرعاليەۆا 2302 ۇپايمەن كەلەسى، 23-ورىندا ورنالاسقان. ال ماريا حولياۆكو 2217 ۇپايمەن 60-ورىندى يەلەندى.
ايتا كەتەيىك، الماتىدا ۋنيۆەرسيتەتتەر اراسىنداعى تۇڭعىش FIDE الەم چەمپيوناتى وتەدى.