استانا. KAZINFORM - جاپونيانىڭ ايچي پرەفەكتۋراسى مەن ناگويا قالاسىندا ءوتىپ جاتقان جازعى ازيا ويىندارىندا بوكستان جارتىلاي فينالدىق جەكپە-جەكتەر ءوتىپ جاتىر، دەپ حابارلايدى ق ر تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ باسپا ءسوز قىزمەتى.
2 دۇركىن الەم چەمپيونى، 51 كەلىدەگى الۋا بالقىبەكوۆا 1/2 فينالدا ۆەتنام سپورتشىسى زي تام نگۋەنمەن جۇدىرىقتاستى. 3 راۋندقا جالعاسقان ايقاستا تورەشىلەر قارسىلاستى جەڭىمپاز رەتىندە تانىدى. ەسەپ: 0:5.
ايتا كەتەيىك، وتانداسىمىز ءوز مانسابىندا العاش رەت ازياداعا قاتىستى.
الدا ءالى ناتاليا بوگدانوۆا (75 كەلى) ماحمۇد سابىرحان (55 كەلى)، تورەحان سابىرحان (70 كەلى) شارشى الاڭعا شىعادى.
وسىعان دەيىن 2026-جىلعى ازيا ويىندارىندا قازاقستان قۇراماسىنان 30-قىركۇيەكتە جارتىلاي فينالدا ءتورت بوكسشى شارشى الاڭعا شىعاتىنىن جازدىق.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.