Counterpoint Research ساراپشىلارىنىڭ مالىمەتىنشە، اتالعان قۇرىلعى جاھاندىق سمارتفون ساتىلىمىنىڭ 6 پايىزىن يەلەنگەن.
مامانداردىڭ ايتۋىنشا، iPhone17- ءنىڭ جوعارى سۇرانىسقا يە بولۋىنا قۇرىلعىداعى ەلەۋلى جاڭارتۋلار اسەر ەتكەن. اتاپ ايتقاندا، سمارتفوننىڭ مۇمكىندىكتەرى Pro-نۇسقالارعا بارىنشا جاقىنداي تۇسكەن. ونىڭ ىشىندە جادى كولەمىنىڭ ۇلعايۋى مەن جوعارى جاڭارتۋ جيىلىگىنە يە ديسپلەي ەرەكشە ءرول اتقاردى. ناتيجەسىندە مودەل قىتاي مەن ا ق ش سەكىلدى نەگىزگى نارىقتاردا ەكى تاڭبالى ءوسىم كورسەتتى.
رەيتينگتە ەكىنشى جانە ءۇشىنشى ورىندارعا iPhone17 Pro Max پەن iPhone17 Pro جايعاستى. بۇل قۇرىلعىلار جەتىلدىرىلگەن كامەرالارىمەن، ۇزاق جۇمىس ىستەيتىن باتارەياسىمەن، سونداي-اق جاڭا ديزاين جانە تۇستەرىمەن ەرەكشەلەنەدى.
ال Android سمارتفوندارى اراسىندا ەڭ كوپ ساتىلعان مودەل - Samsung Galaxy A07 4G بولدى. ساراپشىلار مۇنى دامۋشى ەلدەردەگى جوعارى سۇرانىسپەن بايلانىستىرادى. جالپى، ۇزدىك وندىققا Samsung كومپانياسىنىڭ بەس سمارتفونى ەنگەن.
تىزىمگە Xiaomi Redmi A5 مودەلى دە كىردى. بۇل - رەيتينگتەگى ەڭ قولجەتىمدى سمارتفونداردىڭ ءبىرى. ءبىر قىزىعى، ۇزدىك وندىقتاعى Android قۇرىلعىلارىنىڭ ەشقايسىسى فلاگماندىق ساناتقا جاتپايدى.
2026-جىلدىڭ 1-توقسانىنداعى الەمدەگى ەڭ كوپ ساتىلعان 10 سمارتفون:
Apple iPhone 17
Apple iPhone 17 Pro Max
Apple iPhone 17 Pro
Samsung Galaxy A07 4G
Samsung Galaxy A17 5G
Apple iPhone 16
Samsung Galaxy A56
Samsung Galaxy A36
Samsung Galaxy A17 4G
Xiaomi Redmi A5
ساراپشىلار دەرەگىنشە، وسى ون مودەل الەمدىك سمارتفون ساتىلىمىنىڭ 25 پايىزىن قامتاماسىز ەتكەن. بۇل - ءبىرىنشى توقسان بويىنشا تىركەلگەن ەڭ جوعارى كورسەتكىش. مۇنداي ناتيجە Apple- ءدىڭ جاڭا سمارتفوندارىنا دەگەن تۇراقتى سۇرانىسپەن قاتار، جاپپاي سەگمەنتتەگى وندىرۋشىلەرگە اسەر ەتىپ وتىرعان جادى تاپشىلىعىمەن دە بايلانىستى. ويتكەنى كومپونەنتتەردىڭ قىمباتتاۋى نارىقتاعى باسەكەگە ايتارلىقتاي ىقپال ەتۋدە.