ەم الۋ الدىندا دارىگەر مەن كلينيكانى قالاي تاڭداۋ كەرەك

ەمدەۋدى باستاماس بۇرىن مىنا تالاپتارعا نازار اۋدارىڭىز:

• مەديتسينالىق قىزمەتتى جۇزەگە اسىرۋعا بەرىلگەن قولدانىستاعى ليتسەنزيانىڭ بولۋى؛

• ليتسەنزياعا قوسىمشا - وندا سىزگە قاجەتتى مەديتسينالىق كومەكتىڭ ءتۇرى كورسەتىلۋگە ءتيىس؛

• مەديتسينالىق قىزمەت كورسەتىلەتىن مەكەنجاي رۇقسات بەرۋ قۇجاتتارىندا كورسەتىلگەن مەكەنجايعا سايكەس كەلۋى كەرەك؛

• كورسەتىلەتىن قىزمەتتەردىڭ قۇنى، ولاردى ۇسىنۋ شارتتارى، ىقتيمال قارسى كورسەتىلىمدەر مەن قاۋىپتەر.

مەديتسينالىق ۇيىمنىڭ ليتسەنزياسىن ليتسەنزيالار مەن رۇقساتتاردىڭ مەملەكەتتىك ەلەكتروندىق تىزىلىمىنەن eLicense.kz ارقىلى تەكسەرۋگە بولادى.

دارىگەردى نەمەسە ماماندى تاڭداعان كەزدە مىنالاردى ناقتىلاڭىز:

* مەديتسينالىق ءبىلىمىنىڭ بولۋى؛

* دارىگەردىڭ ماماندىعى؛

* كلينيكالىق پراكتيكامەن اينالىسۋعا قۇقىق بەرەتىن قولدانىستاعى مامان سەرتيفيكاتىنىڭ بولۋى.

مىنانى ەستە ۇستاعان ماڭىزدى: دياگنوز قويۋ نەمەسە دياگنوزدى بولجامداۋ، تالداۋ ناتيجەلەرىن ءتۇسىندىرۋ، دارىلىك پرەپاراتتاردى تاعايىنداۋ نەمەسە توقتاتۋ، سونداي-اق ەمدەۋدىڭ جەكە سحەماسىن ازىرلەۋ مەديتسينالىق قىزمەتكە جاتادى. مۇنداي قىزمەتتەردى كلينيكالىق پراكتيكاعا جىبەرىلگەن مەديتسينا قىزمەتكەرى عانا كورسەتۋگە قۇقىلى.

بۇل تالاپ الەۋمەتتىك جەلىلەر مەن ينتەرنەت ارقىلى مەديتسينالىق كونسۋلتاتسيا بەرۋ كەزىندە دە قولدانىلادى.

كۇمان تۋىنداعان جاعدايدا نە ىستەۋ كەرەك؟

شارتتى، تۇبىرتەكتەردى، تاعايىنداۋلاردى، مەديتسينالىق قورىتىندىلاردى جانە مامانمەن نەمەسە كلينيكامەن بولعان حات-حابارلاردى ساقتاپ قويىڭىز.

دارىگەرلەردىڭ نەمەسە مەديتسينالىق ۇيىمنىڭ ارەكەتتەرىنە قاتىستى شاعىممەن دەنساۋلىق ساقتاۋ مينيسترلىگىنىڭ مەديتسينالىق باقىلاۋ كوميتەتىنىڭ اۋماقتىق دەپارتامەنتىنە، ونىڭ ىشىندە eOtinish جۇيەسى ارقىلى جۇگىنۋگە بولادى.

ايتا كەتەلىك ەلىمىزدە ج ر ۆ ي جۇقتىرعاندار سانى 1,8 ەسەگە ازايدى.