پاكىستاندا قارۋلى ادامداردىڭ شابۋىلىنان كەمىندە 38 ادام قازا تاپتى

يسلاماباد. KAZINFORM -بۇگىن، 26-تامىزدا پاكىستاننىڭ وڭتۇستىك- باتىسىندا قارۋلى ادامدار ەكى رەت شابۋىل جاساپ، كەمىندە 38 ادام كوز جۇمدى. قاۋىپسىزدىك كۇشتەرى 12 شابۋىلشىنىڭ دا كوزىن جويعان. بۇل تۋرالى «Associated Press» حابارلادى.

پوليسيا وفيتسەرى ايۋب اچاكزايدىڭ ايتۋىنشا، بەلۋدجيستاننىڭ مۋساحايل اۋدانىندا اۆتوبۋستاردان، كولىكتەردەن جانە جۇك كولىكتەرىنەن ۇرلاپ اكەتكەن 23 ادام وققا ۇشقان. شابۋىلشىلار قاشىپ كەتپەس بۇرىن كەمىندە 10 كولىكتى ورتەپ جىبەرگەن.

سونداي-اق، سول پروۆينتسيانىڭ كالات اۋدانىندا قارۋلى ادامدار كەم دەگەندە توعىز ادامدى، ونىڭ ىشىندە ءتورت پوليتسەي مەن بەس بەيبىت تۇرعىندى ءولتىردى.

كوتەرىلىسشىلەر بولانداعى تەمىر جولدى جارىپ جىبەردى، ماستۋنگ قالاسىنداعى پوليتسيا بولىمشەسىنە شابۋىل جاسادى جانە گۆاداردا، بەلۋدجيستاننىڭ بارلىق اۋداندارىندا كولىكتەردى ورتەگەن.

شابۋىلدى «بەلۋجيستاندى ازات ەتۋ ارمياسىنىڭ» راديكالدارى ۇيىمداستىرعانى اتاپ ءوتىلدى.

ايتا كەتەيىك، بەلۋدجيستان پاكىستاننىڭ كوپتەن بەرى جالعاسىپ كەلە جاتقان قاقتىعىستاردىڭ ورتاسى بولۋدا، بىرنەشە سەپاراتيستىك توپتار نەگىزىنەن قاۋىپسىزدىك كۇشتەرىنە قارسى شابۋىلدار جاساۋدا. كوتەرىلىسشىلەر يسلامابادتاعى ورتالىق ۇكىمەتتەن تاۋەلسىزدىك تالاپ ەتىپ كەلەدى.