پاكىستاندا ەلشىلەر كورتەجىن الىپ جۇرگەن پوليسيا كولىگى جارىلدى

استانا. KAZINFORM - پاكىستاندا 12 مەملەكەتتىڭ ەلشىلەرى وتىرعان كورتەجدى الىپ جۇرگەن پوليسيا كولىگى ميناعا تاپ بولىپ، جارىلدى، دەپ حابارلايدى 24kz.

ديپلوماتتاردىڭ اراسىندا قازاقستان ەلشىسى دە بولعان. ابىروي بولعاندا، ولار ءدىن امان. الايدا ءۇش پوليتسيا قىزمەتكەرى جاراقات الىپ، بىرەۋى قازا تاپتى.

سىرتقى ىستەر مينيسترلىگىنىڭ رەسمي وكىلى ايبەك سمادياروۆتىڭ ايتۋىنشا، دەلەگاتسيا وكىلدەرى يسلامابادقا ورالدى. ولار يسلاماباد قالاسىنىڭ ساۋدا-ونەركاسىپ پالاتاسى ۇيىمداستىرعان تۋريزم جونىندەگى كونفەرەنسياعا قاتىسۋ ءۇشىن سۆات قالاسىنا باعىت العان ەدى.

ەسكە سالساق، يراننىڭ تاباس قالاسىنداعى كومىر شاحتاسىندا مەتاننىڭ اعۋى سالدارىنان كۇشتى جارىلىس بولدى.

كوپ ۇزاماي يراندا كەنىشتەگى جارىلىستان كوز جۇمعاندار سانى 51 ادامعا جەتكەنىن جازعان بولاتىنبىز.