پاكىستان ۆوكزالىندا جارىلىس بولىپ، كەمىندە 25 ادام كوز جۇمدى

استانا. KAZINFORM - پاكىستاننىڭ وڭتۇستىك- باتىسىنداعى بەلۋدجيستان پروۆينتسياسىنا قاراستى كۆەتتە تەمىرجول ستانسياسىندا جارىلىس ۇيىمداستىرىلىپ، كەمىندە 25 ادام كوز جۇمدى، تاعى ونداعان ادام جاراقات العان، دەپ حابارلايدى BBC.

جارىلىس پەشاۆار قالاسىنا بارۋى ءتيىس جولاۋشىلار تولى قۇرام جولعا شىعا سالاسىمەن بولعان. الەۋمەتتىك جەلىدە بەينەباقىلاۋ كامەرالارىنا ءتۇسىپ قالعان پلاتفورماداعى جارىلىستىڭ ۆيدەولارى تاراپ جاتىر.

جارىلىستى بەلۋدجيستاندى ازا ەتۋ ارمياسىنىڭ سودىرلارى موينىنا الدى. بۇل اقش، بريتانيا، ەۋرووداقتىڭ ءبىرقاتار ەلىن قوسا العاندا لاڭكەس دەپ تانىلعان ۇيىم.

كەيىنگى كەزدە اتالعان ۇيىمنىڭ ساربازدارى پروۆينتسيادا بىرنەشە جويقىن جارىلىستار ۇيىمداستىرعان.

ولاردىڭ تالابى - 15 ميلليونعا جۋىق ادام تۇراتىن بەلۋدجيستاننىڭ تاۋەلسىزدىگىن مويىنداتۋ جانە وسى ءوڭىردىڭ رەسۋرستارىن تولىق باقىلاۋىنا الۋ.

كۆەتتا پوليتسياسى بومبانى جارعان جانكەشتى مەرت بولعان ادامنىڭ تىزىمىندە، ال جاراقات العانداردىڭ سانى 50- ءدىڭ شاماسىندا ەكەنىن جەتكىزدى.

اعا پوليتسيا ساردارى مۋحامماد بالوح BBC تىلشىسىمەن بولعان اڭگىمە بارىسىندا جارىلعىش زاتتىڭ قۋاتى شامامەن 6-8 ك گ ەكەنىن جەتكىزدى. ال قۇربان بولعانداردىڭ اراسىندا بەيبىت تۇرعىندار مەن اسكەريلەر بار. پوليتسيا قۇربان بولعان اسكەريلەردىڭ سانى 14 ەكەنىن انىقتادى.

اۆتور
ايدار وسپاناليەۆ