اكىمدىك الماتىلىقتاردان 17-قازاندا دۇرلىكپەۋدى سۇرادى
استانا. KAZINFORM - الماتىدا 17-قازاندا جالپىقالالىق سەيسميكالىق جاتتىعۋلار وتەدى.
الماتىدا 17-قازاندا ساعات 10.00 دە جوسپارلى جالپىقالالىق سەيسميكالىق جاتتىعۋلار وتكىزىلەدى، ونىڭ اياسىندا Mass Alert حالىقتى جەدەل قۇلاقتاندىرۋ جۇيەسى سىناقتان وتەدى.
سەيسميكالىق جاتتىعۋلار تەلەارنا جانە راديوحابار تاراتۋ ارنالارى اۆتوماتتى تۇردە ءۇزىپ، «بارشانىڭ نازارىنا!» دەگەن سيگنالدان سوڭ سيرەنا-قوندىرعىلاردى قوسۋ، سونداي-اق تەلەفوندارعا حابارلاما جىبەرۋ ارقىلى باستالادى. سيگنالدى العاننان كەيىن عيماراتتان اشىق الاڭعا شىعۋى كەرەك.
سەيسمو جاتتىعۋدىڭ نەگىزگى ماقساتى - قالا تۇرعىندارىنىڭ توتەنشە جاعدايلار كەزىندەگى ءىس-ارەكەتتەرگە دايىندىعىن ارتتىرۋ جانە قاۋىپسىز ورىندارعا بارۋ باعىتتارىن پىسىقتاۋ.
الماتى قالاسى سەيسميكالىق قاۋىپسىزدىك جانە جۇمىلدىرۋ دايىندىعى باسقارماسى تۇرعىنداردى ۇرەيلەنبەۋگە جانە سەيسميكالىق جاتتىعۋلارعا بەلسەندى قاتىسۋعا شاقىرادى.