اتالعان زەرتتەۋدە ق ق پ ۆاكسيناسى، ىشەك اۋرۋلارى جانە بالالارداعى اۋتيزم اراسىندا بايلانىس بولۋى مۇمكىن دەگەن بولجام ايتىلعان. كەيىن زەرتتەۋدىڭ ادىستەمەسىندە ەلەۋلى بۇزۋشىلىقتار بولعانى جانە ونداعى دەرەكتەردىڭ دۇرىستىعىنا قاتىستى ماسەلەلەر انىقتالدى.
- وسىعان بايلانىستى The Lancet عىلىمي جۋرنالى 2010 -جىلى ماقالانى رەسمي تۇردە كەرى قايتاردى. زەرتتەۋ جاريالانىمنان الىنعاننان كەيىن ق ق پ ۆاكسيناسى مەن اۋتيزم اراسىنداعى ىقتيمال بايلانىستى انىقتاۋ ءۇشىن كوپتەگەن اۋقىمدى زەرتتەۋلەر جۇرگىزىلدى. ولاردىڭ قاتارىندا ميلليونداعان بالانى قامتىعان ۇلتتىق زەرتتەۋلەر مەن مەتاتالداۋلار بار. جۇرگىزىلگەن زەرتتەۋلەر ق ق پ ۆاكسيناسى اۋتيزمدى تۋدىراتىنىن راستامادى، - دەلىنگەن حابارلامادا.
ۆەدومستۆونىڭ مالىمەتىنە سايكەس، سوعان قاراماستان، 1998 -جىلعى ماقالانىڭ باستاپقى تۇجىرىمدارى الەۋمەتتىك جەلىلەردە جانە باسقا اقپاراتتىق رەسۋرستاردا ءالى دە تارالىپ كەلەدى. بۇل ۆاكسيناتسياعا قاتىستى نەگىزسىز الاڭداۋشىلىقتىڭ ساقتالۋىنا ىقپال ەتەدى.
وسىلايشا، ق ق پ ۆاكسيناسى مەن اۋتيزم اراسىندا بايلانىس بار دەگەن پىكىرگە نەگىز بولعان زەرتتەۋ عىلىمي جۋرنال تاراپىنان رەسمي تۇردە كەرى قايتارىلعان. كەيىنگى اۋقىمدى عىلىمي زەرتتەۋلەر ق ق پ ۆاكسيناسى مەن اۋتيزم اراسىندا بايلانىس بار ەكەنىن راستاعان جوق.
جۋىردا Kazinform-دا جاريالانعان ماتەريالدا جاندوس قۇلجانبەكوۆ جاڭا تۋعان نارەستەگە ەگىلەتىن «ك» دارۋمەنى بيليرۋبيننىڭ جوعارىلاۋىنا جانە كەيىن بالانىڭ دامۋىنداعى بۇزىلىستارعا اسەر ەتۋى مۇمكىن دەگەن پىكىر ايتقان ەدى. وسىعان بايلانىستى Kazinform دەنساۋلىق ساقتاۋ مينيسترلىگىنە ساۋال جولداپ، سالا ماماندارىنان ك دارۋمەنى جاڭا تۋعان نارەستەگە نە ءۇشىن ەگىلەتىنىن، ونىڭ بالاعا قانداي اسەرى بارىن، نارەستەنىڭ كەيىنگى دامۋىنا قانشالىقتى ىقپال ەتەتىنىن سۇراپ، ساۋال جولدادى.