اۋەجايدا قانداي سوزدەردى ايتۋعا بولمايدى

اۋەجايدىڭ باسپا ءسوز قىزمەتى اۋەجايعا كەلگەندە بومبا، جارىلىس، قارۋ تۋرالى ءتىپتى «ازىلدەپ» ايتۋعا تىيىم سالىنعانىن ەسكەرتەدى.

بۇل تىيىم سالىنعان سوزدەردى اۋەجايدا ايتىپ قالساڭىز، ق ك 273-بابى بويىنشا تەراكت، اتىس نەمەسە قاۋىپ تۋرالى جالعان نەمەسە ۇرەي تۋدىراتىن اقپارات تاراتقانىڭىز ءۇشىن 5000 ا ە ك كولەمىندە ايىپپۇل سالىنادى، بۇل دەگەنىمىز 20 ميلليون تەڭگەگە جۋىق قارجى نەمەسە ءدال سول كولەمدە قوعامدىق جۇمىستارعا تارتىلۋىڭىز مۇمكىن، كەي جاعدايلاردا 5 جىلعا دەيىن باس بوستاندىعىنان ايىرۋ كوزدەلگەن.

- بۇل جاي عانا ۇسىنىس ەمەس. بۇل قاۋىپسىزدىك پەن زاڭ الدىنداعى جاۋاپكەرشىلىك ماسەلەسى. جالعان اقپارات تاراتقان ادام رەيستەن تۇسىرىلەدى. رەيس كەيىنگە شەگەرىلىپ، باسقا جولاۋشىلار تەكسەرىستەن قايتا وتەدى. ال ەرەجە بۇزعان ادام جەلىلىك پوليتسيا وكىلدەرىنە بەرىلىپ، تەرگەۋ شارالارى باستالادى. ءبىر عانا ءسوز ميلليونداعان شىعىنعا جانە بىرنەشە رەيستىڭ كەشىگۋىنە اكەلەدى. ۆيدەو ءتۇسىرىپ جاتساڭ دا، كونتەنت ءۇشىن ەركىندىگىڭە قاۋىپ توندىرمە، - دەلىنگەن حابارلامادا.

ايتا كەتەلىك ەلوردا اۋەجايىندا سۋىق قارۋ تاپسىرۋ ءۇشىن ارنايى جاشىك ورناتىلعان ەدى.