اۋەجايدا جەكە مۇلىك بۇلىنسە، وتەماقى قالاي تولەنەدى

استانا. KAZINFORM - جولاۋشى ۇشقاندا نەمەسە قونعان ساتتە جۇگى بۇلىنگەن جاعدايدا نە ىستەۋ كەرەك؟ ەلوردانىڭ حالىقارالىق اۋەجايى وتەماقى ماسەلەسىن ءتۇسىندىردى.

- جۇگىڭىزدى العاندا، زاقىم كەلگەنىن بايقادىڭىز با؟ دەرەۋ ارەكەت ەتىڭىز. الدىمەن جۇكتى الۋ ايماعىنداعى اۋە كومپانياسىنىڭ وكىلدىگىنە جۇگىنىڭىز. جۇكتىڭ زاقىمدانعانى تۋرالى اكتىنى تولتىرۋدى سۇراڭىز - ماڭىزدى قۇجات. كەيىن وتەماقى تولەۋ تۋرالى ءوتىنىش جازىڭىز، تالاپتى اۋەجايدا نەمەسە ونلاين جازۋعا دا بولادى، - دەپ ءتۇسىندىردى اۋەجاي وكىلى.

سودان سوڭ اۋە كومپانياسى تەكسەرىس جۇرگىزىپ، كەلتىرىلگەن زاقىمنىڭ سيپاتىن باعالايدى.

- ەگەر اۋە كومپانياسىنىڭ كىناسى دالەلدەنسە، زالالدى وتەيدى. وتەماقى اقشالاي نەمەسە جاڭا شابادان بەرىلەدى، - دەپ ناقتىلادى ول.

ايتا كەتەيىك، بالالارمەن ۇشۋعا قانداي تالاپتار مەن جەڭىلدىكتەر ۇسىنىلاتىنى تۋرالى جازعان ەدىك.

ەسكە سالايىق، كولىك مينيسترلىگى ەلوردا اۋەجايىن دامىتۋعا 1,1 ميلليارد دوللار ينۆەستيتسيا تارتپاق.

اۆتور

داۋلەت ىزتىلەۋ