Air India ۇشاعىنىڭ اپاتىنا قاتىستى قارا جاشىكتەگى دەرەكتەر ءساتتى الىندى
نيۋ- دەلي. قازاقپارات - 12- ماۋسىم كۇنى اپاتقا ۇشىراعان Air India اۋە كومپانياسىنىڭ ۇشاعىنىڭ قارا جاشىكتەرىنەن مالىمەتتەر ءساتتى تۇردە الىندى. بۇل تۋرالى ءۇندىستاننىڭ ازاماتتىق اۆياتسيا مينيسترلىگىنە سىلتەمە جاساپ New Indian Express باسىلىمى حابارلادى، دەپ جازدى انادولى.
مينيسترلىكتىڭ مالىمەتىنشە، تەرگەۋ توبى قارا جاشىكتەردەن «جاد مودۋلىنە» ءساتتى تۇردە قول جەتكىزىپ، اقپاراتتى قاۋىپسىز تۇردە وقىپ شىققان. قازىرگى تاڭدا تالداۋ جالعاسىپ جاتىر. ول اپاتقا سەبەپ بولعان وقيعالار تىزبەگىن قالپىنا كەلتىرۋگە، وعان اسەر ەتكەن فاكتورلاردى انىقتاۋعا جانە اۆياتسيالىق قاۋىپسىزدىكتى نىعايتۋعا باعىتتالعان.
ەسكە سالا كەتەيىك، اپاتتان كەيىن بىرنەشە كۇن ىشىندە قارا جاشىكتەر تابىلعان بولاتىن.
AI171 رەيسىمەن ۇشقان جولاۋشىلار ۇشاعى احمادابادتاعى ساردار ۆاللابحاي پاتەل اتىنداعى حالىقارالىق اۋەجايىنان لوندونداعى گاتۆيك اۋەجايىنا باعىت العان. الايدا ۇشىپ شىققاننان كوپ ۇزاماي، مەگاني- ناگار تۇرعىن اۋدانىنا قۇلاپ، اپاتقا ۇشىرادى.
اپات سالدارىنان ۇشاق بورتىنداعى 229 جولاۋشى مەن 12 ەكيپاج مۇشەسى، سونداي-اق جەردە بولعان 29 ادام قازا تاپتى.
ۇشاق اپاتىنان مەر بولعانداردىڭ ناقتى سانى دنق ساراپتاماسىنان كەيىن جاريالاناتىنى ايتىلعان ەدى.