ەير استانا مەن فلايارىستان قىزمەتىنە قاتىستى شاعىم كوبەيدى: قانداي شارا قولدانىلعانى بەلگىلى بولدى

استانا. قازاقپارات - ازاماتتىق اۆياتسيا كوميتەتى Air Astana مەن FlyArystan كومپانيالارىنا قاتىستى شاعىمداردىڭ كوبەيۋىنە بايلانىستى قانداي شارا قابىلداعانى بەلگىلى بولدى، - دەپ حابارلايدى Massaget.kz.

«Air Astana» ا ق جانە «FlyArystan» ا ق اۋەكومپانيالارىنىڭ رەيستەرى كەشىگۋىنە، سونداي-اق جولاۋشىلاردىڭ قۇقىقتارىن ساقتاۋعا قاتىستى «Air Astana» ا ق مەن «FlyArystan» ا ق-نىڭ تەحنيكالىق سەبەپتەر بويىنشا رەيستەردى كەشىكتىرۋ جاعدايلارىنىڭ كوبەيۋىنە، سونداي-اق جولاۋشىلاردىڭ قۇقىقتارىن ساقتاۋعا قاتىستى كوپتەگەن شاعىمدارعا بايلانىستى قازاقستان رەسپۋبليكاسى كولىك مينيسترلىگىنىڭ ازاماتتىق اۆياتسيا كوميتەتى ۇشۋلاردىڭ توقتاتىلۋى، كەشىگۋى جانە ءتيىستى قىزمەتتەردى كورسەتپەۋ سەبەپتەرىن، سونداي-اق قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا تۋرالى زاڭناماسىنىڭ تالاپتارىن بۇزۋعا بايلانىستى باسقا دا جاعدايلاردى انىقتاۋ ءۇشىن كوميسسيا قۇردى»، - دەلىنگەن حابارلامادا.

سونىمەن قاتار «قازاقستاننىڭ اۆياتسيالىق اكىمشىلىگى» ا ق باس ديرەكتورىنىڭ بۇيرىعىمەن «Air Astana» ا ق مەن «FlyArystan» ا ق-نا جوسپاردان تىس تەكسەرۋ جۇرگىزىلەتىنى بەلگىلى بولدى.

«كوميسسيا جۇمىسىنىڭ جانە جوسپاردان تىس تەكسەرۋدىڭ ناتيجەلەرى قوسىمشا حابارلانادى»، - دەپ حابارلادى ازاماتتىق اۆياتسيا كوميتەتى.