اۋدارىسپاق: قازاقستاندىق سپورتشى قارسىلاستارىن 5 سەكۋندتا ۇتىپ جاتىر
استانا. KAZINFORM - اۋدارىسپاقتان 100 كەلىدەن جوعارى سالماقتا ەل نامىسىن قورعاپ جاتقان تۇركىستاندىق ءبىرجان قوساليەۆ قارسىلاستارىن از ۋاقىتتىڭ ىشىندە ۇتىپ، اقتىق سىنعا جولداما الدى.
ءبىرىنشى كەزدەسۋىندە وزبەك سپورتشىسىن ۇتسا، ەكىنشى ايقاستا موڭعول سپورتشىسىن نەبارى 5 سەكۋند ىشىندە جەڭدى.
ءبىرجان قوساليەۆ - اۋدارىسپاقتان قازاقستان چەمپيوناتىنىڭ 10 دۇركىن چەمپيونى. ازيا چەمپيوناتىن 3 رەت ۇتقان.
بۇعان دەيىن قىرعىز جەرىندە وتكەن ەكى دۇنيەجۇزىلىك كوشپەندىلەر ويىندارىنىڭ جەڭىمپازى ەكەنىن دە اتاپ وتكەن ءجون.
«2011 -جىلعا دەيىن كوكپارمەن اينالىسىپ ءجۇردىم. ءاۋ باستا حوببي بولعانى راس. كەيىن اۋدارىسپاققا اۋىستىم. اۋدارىسپاق تا، كوكپار دا ات ۇستىندە وتەدى. ياعني، ۇقساستىقتارى كوپ. سودان بولار، اسا قيىندىق تۋىندامادى. كەيىنگى جىلدارى شەبەرلىگىمدى دالەلدەپ، ۇزدىكتەردىڭ قاتارىنان تابىلىپ ءجۇرمىن. بۇل رەتتە، ۇلتتىق سپورتقا قولداۋ تانىتىپ جۇرگەن ەل اعالارىنا العىسىمدى بىلدىرەمىن»، - دەدى ءبىرجان قوساليەۆ.
اۆتور
ورالحان قوجانوۆ