ادامنىڭ ميى گازدالعان سۋسىنداردىڭ اسەرىنەن وزگەرەدى

استانا. قازاقپارات - تاتتى گازدالعان سۋسىنداردى ءجيى جانە ۇزاق ۋاقىت بويى قولدانۋ ميدى ايتارلىقتاي وزگەرىسكە ۇشىراتۋى مۇمكىن، دەپ جازادى The Daily Mail.

زەرتتەۋلەر كورسەتكەندەي، سۋسىندار ميداعى جۇزدەگەن اقۋىزداردى وزگەرتكەن. وسىعان ۇقساس وزگەرىستەر قاتەرلى ىسىكتەن باستاپ السگەيمەر اۋرۋىنا دەيىن ءتۇرلى اۋرۋلاردا بايقالادى.ساراپشى دجەين فرانكلين بىلاي دەپ تۇسىندىرەدى: «باتىستا گازدالعان سۋسىنداردى تۇتىنۋ قاۋپى جوعارى. كەيبىر ەرەسەك ادامداردا كالوريا ۇلەسى ءتاتتى سۋسىنداردان كەلىپ تۇسەدى. ەگەر سۋساپ تۇساڭىز، دۇرىسى، سۋ ءىشىڭىز».

جۇرەك ۇستامالى اۋرۋى، ديابەت، سالماق قوسۋ، سۇيەكتەردىڭ السىزدىگى، اسقازان قاتەرلى ىسىگى، بۇلشىق ەتتىڭ السىزدىگى، سال اۋرۋى - وسىنىڭ ءبارى گازدالعان سۋسىندى كوپ پايدالانۋدىڭ زاردابىنان. ەندى ولارعا مي وزگەرىسى دە قوسىلدى.

سيدنەي ۋنيۆەرسيتەتىنىڭ زەرتتەۋشىسى فرانكلين ءبىر اي بويى ءتاتتى سۋسىن مەن جاي سۋ ىشكەن ەگەۋقۇيرىقتاردى باقىلادى. قورىتىندىسىندا، كەمىرگىشتەردىڭ ءبىرىنشى توبىنىڭ بەلسەندىلىگى ارتىپ، ميلارىنداعى شامامەن 300 اقۋىز مولشەرى وزگەرگەن.