ادامنىڭ ادەمى بولۋىنا ءارى ۇزاق جاساۋىنا اسەر ەتەتىن تاعامدار اتالدى

سيدنەي ۋنيۆەرسيتەتىنىڭ عالىمدارى 1961-2018 -جىلدار ارالىعىندا الەمنىڭ 101 ەلىنەن الىنعان دەرەكتەردى زەرتتەپ، وسىمدىك اقۋىزى ەرەسەكتەردىڭ ءومىر ءسۇرۋ ۇزاقتىعىمەن تىكەلەي بايلانىستى ەكەنىن انىقتادى.

زەرتتەۋ Nature Communications جۋرنالىندا جاريالاندى.

ماماندار جانۋار جانە وسىمدىك اقۋىزدارىنىڭ دەنساۋلىققا اسەرىن سالىستىرعان. ناتيجەسىندە، 5 جاسقا دەيىنگى بالالار ءۇشىن ەت، جۇمىرتقا، ءسۇت سەكىلدى جانۋار تەكتەس ونىمدەر ءولىم-ءجىتىمدى ازايتاتىنى بەلگىلى بولدى. ال ەرەسەكتەردە كەرىسىنشە - وسىمدىك اقۋىزىنىڭ كوپ بولۋى ۇزاق ءومىر سۇرۋگە ىقپال ەتەدى.

ماسەلەن، وسىمدىك اقۋىزى كوپ تۇتىنىلاتىن ءۇندىستان سەكىلدى ەلدەردە حالىقتىڭ ورتاشا ءومىر جاسى ا ق ش پەن ارگەنتينا سياقتى جانۋار اقۋىزى باسىم ەلدەرگە قاراعاندا جوعارى ەكەنى انىقتالدى. زەرتتەۋ بارىسىندا تابىس دەڭگەيى مەن حالىق سانى دا ەسكەرىلگەن.

عالىمدار اتاپ وتكەندەي، وسىمدىك اقۋىزى بۇرشاق، جاڭعاق، توفۋ مەن ءداندى داقىلداردا كەزدەسەدى. بۇل ونىمدەردى تۇتىنۋ جۇرەك- قان تامىر اۋرۋلارى، ديابەت پەن قاتەرلى ىسىك ءقاۋپىن ازايتادى. وسىنداي ازىق-تۇلىكتەر نەگىزىندە تاماقتاناتىن جاندار جاپوندىق وكيناۆا ارالىندا، گرەك ارالى يكاريادا جانە ا ق ش-تاعى لوما-ليندا قالاسىندا كوپتەپ كەزدەسەدى - بۇل وڭىرلەر ۇزاق ءومىر سۇرەتىن ادامدارىمەن تانىمال.