ادامدار 20 جىلدا اقىماق بولا باستايدى - بولجام
15:29, 17 - قاراشا 2024
ادامدار 20 جىلدا نەيروجەلىلەردىڭ اسەرىنەن اقىماق بولا باستايدى. ادامداردىڭ وزدىگىنەن ويلاۋ جانە جازۋ قابىلەتى الداعى 20 جىلدا سيرەك كەزدەسەتىن قۇبىلىسقا اينالىپ، ەليتاعا ءتان قاسيەت بولىپ قالۋى مۇمكىن. بۇل - ايگىلى Y Combinator ستارتاپ اكسەلەراتورىنىڭ نەگىزىن قالاۋشىسى پول گرەمنىڭ بولجامى.
گرەم -جاي عانا فۋتۋريست ەمەس: ونىڭ اكسەلەراتورى Airbnb, Reddit جانە Stripe سەكىلدى الىپ كومپانيالاردىڭ دامۋىنا ىقپال ەتتى، ال تەحنولوگيالار تۋرالى جازعان ەسسەلەرى ستارتاپەرلەردىڭ باستى وقۋلىقتارى سانالادى.
گرەمنىڭ پىكىرىنشە، ادامدار نەيروجەلىلەرگە سەنىم ارتىپ، ويلاۋ قابىلەتتەرىن جوعالتادى. ال تەرەڭ ويلاۋ قابىلەتى تەك جازۋ ارقىلى داميتىنىن ەسكەرسەك، بولاشاقتا الەم «ويلايتىندارعا» جانە باسقالاردىڭ ويلارىن تۇتىناتىندارعا ءبولىنۋى مۇمكىن.