ادام مىنەز- قۇلقىن مانيپۋلياتسيالاي الاتىن جاساندى ينتەللەكت قۇرۋعا تىيىم سالىنباق - زاڭ جوباسى

استانا. KAZINFORM - بۇگىن پارلامەنت ماجىلىسىندە «جاساندى ينتەللەكت تۋرالى» زاڭ جوباسى مەن ىلەسپە قۇجات تانىستىرىلدى.

- مەملەكەت باسشىسى اتالعان زاڭ جوبالارىن ىسكە اسىرۋدىڭ ماڭىزدىلىعىن 2024 -جىلعى 2 - قىركۇيەكتەگى قازاقستان حالقىنا جولداۋىندا جانە بيىلعى ۇكىمەتتىڭ كەڭەيتىلگەن وتىرىسىندا سويلەگەن سوزىندە اتاپ ءوتتى. زاڭ جوبالارى جاساندى ينتەللەكت تەحنولوگيالارىن (جۇيەلەرىن) پايدالانۋدىڭ ءبىرىڭعاي قۇقىقتىق بازاسىن بەلگىلەۋگە باعىتتالعان، - دەدى ءماجىلىس دەپۋتاتى نۇرتاي سابيليانوۆ.

نەگىزگى زاڭ جوباسىندا:

- جاساندى ينتەللەكت سالاسىنداعى رەتتەۋدىڭ، اشىقتىق پەن قاۋىپسىزدىكتى قامتاماسىز ەتۋدىڭ قۇقىقتىق جانە ۇيىمداستىرۋشىلىق نەگىزدەرى ايقادالادى. تاۋەكەلدەردىڭ دەڭگەيى بويىنشا جۇەيەلەردى جىكتەۋ ەنگىزىلىپ، دەربەس دەرەكتەردى قورعاۋ كۇشەيتىلەدى؛
- مەملەكەتتىك ورگاندار مەن كۆازيمەملەكەتتىك ۇيىمداردىڭ جاساندى ينتەللەكت تەحنولوگيالارىن پايدالانۋ ەرەكشەلىكتەرى قاراستىرىلعان؛
- جاساندى ينتەللەكت سالاسىنداعى قاتىناستار سۋبەكتىلەرىنىڭ قۇقىقتارى مەن مىندەتتەرى ايقىندالادى.

- بۇدان باسقا، ىلەسپە زاڭ جوبالارى جاساندى ينتەللەكت جۇيەلەرىن پايدالانا وتىرىپ جاسالعان ونىمدەرگە قاتىستى تۇتىنۋشىلاردىڭ قۇقىقتارىن جانە ول جۇيەلەرمەن پايدالانىلاتىن جەكە دەرەكتەردى قورعاۋعا، جاساندى ينتەللەكت جۇيەلەرى ارقىلى جاسالعان بۇقارالىق اقپارات قۇرالدارى ونىمدەرىنىڭ قاۋىپسىزدىگىن قامتاماسىز ەتۋگە باعىتتالعان. سونداي-اق جاساندى ينتەللەكت جۇيەلەرىنىڭ يەلەرى ءۇشىن اكىمشىلىك جاۋاپكەرشىلىك قاراستىرىلعان، - دەدى ول.

ءوز كەزەگىندە ءماجىلىس دەپۋتاتى ەكاتەرينا سمىشليايەۆا زاڭ جوباسىنىڭ نەگىزگى جاڭالىقتارىن اتاپ ءوتتى.

تاۋەكەل دەڭگەيى بويىنشا ج ي جۇيەلەرىن جىكتەۋدى ەنگىزۋ - زاڭ جوباسى جاساندى ينتەللەكت جۇيەلەرىن مينيمالدى، ورتاشا جانە جوعارى تاۋەكەلگە بولەدى، بۇل ولاردىڭ جۇمىسىن پايدالانۋشىلاردىڭ، قوعام مەن مەملەكەتتىڭ قاۋىپسىزدىگىنە ىقتيمال اسەر ەتۋىنە بايلانىستى رەتتەۋگە مۇمكىندىك بەرەدى.

بۇدان بولەك، تولىق اۆتونومدى ج ي جۇيەلەرىنە تىيىم سالۋ ەسكەرىلگەن. قازاقستان اۋماعىندا ادامنىڭ ارالاسۋىنسىز شەشىم قابىلدايتىن جۇيەلەردى قۇرۋعا جانە ەنگىزۋگە تىيىم سالىنادى، بۇل رەتتەلمەيتىن سالداردىڭ ىقتيمالدىعىن ازايتادى.

ۇلتتىق جاسان ينتەللەكت پلاتفورماسىن قۇرۋ - وسى سالاداعى وتاندىق شەشىمدەردى دامىتۋعا ىقپال ەتەتىن، ياعني باسقارىلاتىن ورتادا ج ي جۇيەلەرىن ازىرلەۋ، وقىتۋ جانە سىناقتان وتكىزۋ ءۇشىن مەملەكەتتىك تەحنولوگيالىق ينفراقۇرىلىم قالىپتاسىپ كەلەدى.

ەكاتەرينا سمىشليايەۆانىڭ سوزىنە قاراعاندا، جەكە دەرەكتەردى قورعاۋعا ەكپىن قويىلىپ وتىر. ادامداردى الەۋمەتتىك، بيومەتريالىق جانە مىنەز- قۇلىق ەرەكشەلىكتەرىنە قاراي باعالاۋ ءۇشىن ج ي قولدانۋعا قاتاڭ شەكتەۋ ەنگىزىلەدى، سونداي-اق ادام مىنەز- قۇلقىن مانيپۋلياتسيالاي الاتىن ج ي قۇرۋعا جانە پايدالانۋعا تىيىم سالىنادى.

بۇعان دەيىن جاساندى ينتەللەكت ماماندىقتارعا قالاي اسەر ەتەتىنىن جازعان ەدىك.