ادام الەۋمەتتىك جەلىدە وتىرعان كەزدە، ميدا نە بولادى؟

استانا. KAZINFORM - بارلىق ەسكەرتۋگە قاراماستان، ەرەسەك ادام الەۋمەتتىك جەلىدە كۇنىنە 2 ساعات 27 مينۋت وتكىزەدى. بۇل قازىرگى زاماننىڭ شىندىعى.

الايدا الەۋمەتتىك جەلىلەر ادامنىڭ ميىنا اسەر ەتەتىنىن ۇمىتپاعان ءجون. سوندىقتان Massaget.kz ءتىلشىسى ءبىز جاڭالىقتار ارناسىن قايتا-قايتا جاڭارتقان سايىن ميدا نە بولاتىنىن انىقتاپ كوردى.

ەگەر ءسىز اقشا ۇنەمدەگىڭىز كەلسە، قادامىڭىزدى ۇيالى تەلەفونىڭىزدان الەۋمەتتىك جەلىنى ءوشىرىپ تاستاۋدان باستاڭىز.

2013-جىلى جۇرگىزىلگەن زەرتتەۋ قارىزى كوپ ادامدار، سونداي-اق دەنە سالماعىنىڭ يندەكسى جوعارى، جاقىن دوستارىمەن «كۇشتى بايلانىسى» بار ادامدار اراسىندا الەۋمەتتىك جەلىنى قارقىندى پايدالانۋ اراسىنداعى تىكەلەي بايلانىستى راستادى.

زەرتتەۋ اۆتورلارى مۇنىڭ ءبارى ەموتسياعا دەگەن قۇشتارلىق دەپ سانايدى.

اشتىق دابىلىن جىبەرەدى

ەگەر الەۋمەتتىك جەلىنى قاراپ وتىرعاننان كەيىن بىردەن قارنىڭىز اشسا، بۇل سەزىمگە سەنبەگەنىڭىز ابزال. 2015-جىلعى زەرتتەۋ ناتيجەسىنە سۇيەنسەك، مي جەلىدەگى تابەت اشاتىن سۋرەتتەردى كورگەندە ونى ناقتى تاعام رەتىندە قابىلداپ، سوعان سايكەس جاۋاپ بەرەدى، ياعني اشتىققا جاۋاپ بەرەتىن گورموندار بولەدى. ءتىپتى ءبىز ءبىر ساعات قانا بۇرىن تاماقتانىپ الساق، تىسكەباسار بىرنارسە جەگىمىز كەلىپ تۇرادى.

سىياقى ورتالىقتارى ىسكە قوسىلادى

ءبىزدىڭ جەلىگە جۇكتەلگەن سۋرەتتەرىمىز بەن ۆيدەولارىمىز وقىرماندارىمىزعا ۇناعان كەزدە، ماراپاتتاۋ ورتالىعى ىسكە قوسىلادى، ياعني ىرگەلەس يادرو بەلسەندىرىلەدى جانە نەيروترانسميتتەر دوفامين شىعارادى. بۇل سەزىمدى از مولشەردە جەلىنگەن شوكولادتىڭ لاززاتىمەن سالىستىرۋعا بولادى، ءبىراق ەگەر ءسىز بۇل باتىرمانى ءجيى باساتىن بولساڭىز، ناقتى تاۋەلدىلىك پايدا بولۋى مۇمكىن.

سۇر زاتتىڭ كولەمى وزگەرەدى

الەۋمەتتىك جەلىنى ۇزدىكسىز قاراپ وتىرۋ مي قۇرىلىمىنا اسەر ەتەدى. 2018-جىلى Social Neuroscience جۋرنالىندا جاريالانعان زەرتتەۋ ونلاين الەۋمەتتىك جەلىنىڭ كولەمى مەن سۇر زاتتىڭ تارالۋى مەن كولەمى اراسىنداعى كوررەلياتسيانى راستادى.

سونىمەن، الەۋمەتتىك جەلىنى كوپ ۋاقىت قارايتىن ادامداردا، ادەتتە، ميدىڭ الەۋمەتتىك-سەمانتيكالىق مىندەتتەرمەن بايلانىستى ايماقتارىنداعى سۇر زاتتاردىڭ مولشەرى كوبىرەك بولادى: الەۋمەتتىك توپ مۇشەلەرىن تانۋ، ولاردىڭ جاعدايى مەن سەبەپتەرىن ءتۇسىنۋ.

مي كوپ تاپسىرمانى ورىنداۋ قابىلەتىن جوعالتادى

ءبىز الەۋمەتتىك جەلىدە ءبىر ۋاقىتتا نەعۇرلىم كوپ ارەكەت جاساساق، تاپسىرمادان تاپسىرماعا اۋىسۋ قابىلەتىمىز سوعۇرلىم ناشار بولادى جانە شىنايى ومىردە ءبىر ۋاقىتتا بىرنەشە ارەكەتتى جاساي الماي قالامىز. سوندىقتان، بايىپتى جۇمىس جوسپارلاعاندا، الەۋمەتتىك جەلىنى وشىرگەن دۇرىس.