استانا. قازاقپارات - زەرتتەۋلەر ناتيجەسىنە سۇيەنسەك، ادام اعزاسى دارۋمەندەردى اۋا ارقىلى سىڭىرە الادى. ءبىز ادەتتە قورەكتىك زاتتاردى تاعام ارقىلى الامىز دەپ ويلايمىز. الايدا عىلىمي زەرتتەۋلەردى مۇقيات قاراستىرا وتىرىپ، ادام اعزاسى اۋادان دا كەيبىر قورەكتىك زاتتاردى سىڭىرە الاتىنىن كورسەتەتىن دالەلدەر بار. Advances in Nutrition جۋرنالىندا جاريالانعان جاڭا زەرتتەۋدە بۇل قورەكتىك زاتتاردى اەرونۋتريەنتتەر دەپ اتاۋ ۇسىنىلعان.
ياعني تىنىس الۋ ارقىلى يود، مىرىش، مارگانەتس جانە كەيبىر دارۋمەندەر سياقتى ماڭىزدى قورەكتىك زاتتار ءسىڭىرىلۋى مۇمكىن.
مىڭداعان جىلدار بويى ءارتۇرلى مادەنيەتتەر تابيعاتتى جانە تازا اۋانى دەنساۋلىققا پايدالى دەپ ساناعان. اەرونۋتريەنتتەر تۋرالى كونتسەپتسيا بۇل پىكىرلەردىڭ عىلىممەن راستالعانىن كورسەتەدى. مىسالى، وتتەگى - اعزانىڭ نەگىزگى قىزمەتتەرىن قامتاماسىز ەتۋ ءۇشىن قاجەت حيميالىق زات رەتىندە قورەكتىك زات بولىپ سانالادى. ءبىز ونى تاماقتان گورى تىنىس الۋ ارقىلى قابىلداعاندىقتان، ونى قورەكتىك زات رەتىندە قاراستىرماۋىمىز مۇمكىن.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан