«ادال ازامات» تاربيەلىك باعدارلاماسى وزگەرەدى
11:06, 25 - ماۋسىم 2025
استانا. KAZINFORM - ۇكىمەت باسشىسى ولجاس بەكتەنوۆ وسكەلەڭ ۇرپاقتىڭ تاربيەسىنە قاتىستى قۇزىرلى ورگاندارعا مىندەت جۇكتەدى.
- وسكەلەڭ ۇرپاقتىڭ بويىندا ەكولوگيالىق مادەنيەتتى تاربيەلەۋگە جۇرتشىلىقتى، قاۋىمداستىقتار مەن بىرلەستىكتەردى كەڭىنەن تارتۋدى قامتاماسىز ەتۋ قاجەت. ورتاق ىسكە بار كۇشتى جۇمىلدىرا وتىرىپ، وتباسىلىق ءداستۇرلى قۇندىلىقتاردى، قوعامداعى دۇرىس مىنەز- قۇلىقتى، مادەني مۇرالارعا ۇقىپتى كوزقاراستى، وتانشىلدىق قاسيەتتەردى سىڭىرۋگە ءتيىسپىز. اتالعان باعىتتار «ادال ازامات» تاربيەلىك باعدارلاماسىندا ەسكەرۋ قاجەت. وقۋ-اعارتۋ مينيسترلىگى، عىلىم جانە جوعارى ءبىلىم مينيسترلىگى ءتيىستى تۇزەتۋلەردى ەنگىزسىن، - دەدى ولجاس بەكتەنوۆ ۇكىمەت وتىرىسىندا.
بۇعان دەيىن پرەمەر-مينيستر قوقىس تاستايتىن ادامدارعا جازانى قاتاڭداتۋدى تاپسىردى.