اعزادا سۋ جەتىسپەيتىنىن قالاي بىلۋگە بولادى؟

استانا. قازاقپارات - اعزاداعى زات الماسۋ پروتسەسى جاقسى ءجۇرۋ ءۇشىن 1 ك گ سالماققا 30 م ل سۋ ءىشۋ كەرەك. سوندا 66 ك گ سالماقتاعى ادام كۇنىنە 2 ليتر سۋ ءىشۋى ءتيىس.

ءبىراق ءبارىمىز بىردەي بۇل تالاپتى ورىنداي بەرمەيمىز. اعزادا سۋ جەتىسپەيتىنىن قالاي بىلۋگە بولادى؟ بەلگىلەرىنە نازار سالىڭىز.

شارشاڭقىلىق. ميعا سۋ جەتىسپەسە ادامنىڭ كۇش-قۋاتى ازايىپ، تەز شارشاپ، ۇيقىسىراپ جۇرەدى. سۋدى جەتكىلىكتى مولشەردە ىشپەسەڭىز ەڭبەك ونىمدىلىگىڭىز تومەندەيدى.

باس اۋرۋى. اعزاعا سۋ جەتىسپەگەن كەزدە باس ءجيى اۋىرادى. قاتتى ەڭكەيگەندە، وقىس قيمىلداعاندا باسىڭىز اۋىرسا سۋ جەتىسپەگەنىنىڭ بەلگىسى.

قارىن اشۋ. تويىپ تاماق ىشكەننەن كەيىن بىرەر ساعات وتەر-وتپەستە تاعى تاماق ىشكىڭىز كەلسە، دەمەك اعزاڭىزعا سۋ جەتىسپەيدى.

ءىش قاتۋ. جەتكىلىكتى سۋ ىشپەگەننەن كەيىن اعزاداعى زات الماسۋ پروتسەسى باياۋلاپ، ءىش قاتادى. ۇلكەن دارەتكە كۇشپەن باراتىن بولاسىز.

نەسەپ ءتۇسى. ەگەر اعزاعا سۋ جەتىسپەسە بۇيرەك كوپ توكسين بولەدى. ناتيجەسىندە نەسەپ كۇڭگىرت تارتادى.

سۋ جەتىسپەگەندە اعزاعا ىلعال جەتىسپەيدى، تەرى قۇرعايدى، ءوزىڭىزدى جايسىز سەزىنەسىز، شارشاپ-شالدىعىپ جۇرەسىز. سۋ دەفيتسيتىنىڭ ورنىن اعزا ءتاتتى ءارى مايلى تاماقپەن تولتىرۋعا تىرىسادى.

سۋ ءسىز جەگەن تاماقتى تەز قورىتۋعا دا كومەكتەسەدى، نورمونداردىڭ بولىنۋىنە ىقپال ەتەدى، دارۋمەندەر مەن ميكروەلەمەنتتەردى، مينەرالداردى اعزاعا جاقسى سىڭىرەدى، ىشەكتەن توكسيندەردى شىعارادى. سۋدى كوبىرەك ىشسەڭىز ارتىق سالماق تا قوسپايسىز.