قازبا جۇمىستارىنا وڭىرلىك مۋزەيدىڭ ارحەولوگتەرى مەن الكەي مارعۇلان اتىنداعى ارحەولوگيا ينستيتۋتىنىڭ ماماندارى قاتىسىپ جاتىر.
ءابىش كەكىلباي ۇلى اتىنداعى ماڭعىستاۋ وبلىستىق تاريحي-ولكەتانۋ مۋزەيىندە جاڭادان اشىلعان «ارحەولوگيا» ءبولىمىنىڭ ماماندارى الكەي حاقان ۇلى مارعۇلان اتىنداعى ارحەولوگيا ينستيتۋتىنىڭ ماماندارىمەن بىرلەسىپ قاراقاباق قالاشىعىندا عىلىمي-زەرتتەۋ جانە ارحەولوگيالىق قازبا جۇمىستارىن باستادى. بۇل تۋرالى وبلىستىق مادەنيەت، تىلدەردى دامىتۋ جانە ارحيۆ ءىسى باسقارماسى حابارلادى.
- عىلىمي-زەرتتەۋ جۇمىستارى بارىسىندا تاريحي ەسكەرتكىشتىڭ قۇرىلىمى، مادەني قاباتتارى مەن قۇندى ارحەولوگيالىق دەرەكتەر جان-جاقتى زەرتتەلەتىن بولادى. بۇل جۇمىستار ءوڭىر تاريحىن تەرەڭىرەك تانۋعا جانە تاريحي-مادەني مۇرانى ساقتاۋعا ءوز ۇلەسىن قوسادى،- دەلىنگەن حابارلامادا.
ال قازبا جۇمىستارىنىڭ بارىسى، تابىلعان ولجالار مەن قىزىقتى دەرەكتەر مۋزەيدىڭ پاراقشاسىنا شىعارىلادى.
بۇعان دەيىن، ماڭعىستاۋدا ريم داۋىرىمەن بايلانىستى كونە قالا تابىلعان بولاتىن.