ماڭعىستاۋدا تابيعي نىساندى بۇلدىرگەن تۇرعىننىڭ ۇستىنەن قىلمىستىق ءىس قوزعالدى

وڭىرلىك پوليتسيا دەپارتامەنتىنىڭ مالىمەتىنشە، ۆانداليزم فاكتىسى الەۋمەتتىك جەلىلەرگە جۇرگىزىلگەن مونيتورينگ بارىسىندا انىقتالعان.

«وسى فاكتى بويىنشا قىلمىستىق ءىس بويىنشا تەرگەۋ باستالدى. 34 جاستاعى كۇدىكتى ەر ادام ۇستالدى. تەرگەۋ جالعاسىپ جاتىر»، - دەپ حابارلادى ۆەدومستۆو.

پوليتسيا ۆانداليزم جاساۋعا جانە تابيعي نىسانداردى بۇلدىرۋگە جول بەرىلمەيتىنىن اتاپ ءوتتى.

«مۇنداي ءاربىر فاكتىگە قۇقىقتىق باعا بەرىلىپ، كىنالى تۇلعالار جاۋاپكەرشىلىككە تارتىلادى»، - دەپ اتاپ ءوتتى پوليتسيا.

ق ر قىلمىستىق كودەكسىنىڭ 294-بابىنا سايكەس، ۆانداليزم جاساعانى ءۇشىن 100-دەن 200-ايلىق ەسەپتىك كورسەتكىشكە دەيىن (432500 دەن 865000 تەڭگەگە دەيىن) ايىپپۇل سالۋ، وسى مولشەردە تۇزەۋ جۇمىستارىنا تارتۋ، 160 ساعاتقا دەيىن قوعامدىق جۇمىستارعا تارتۋ نەمەسە 50 تاۋلىككە دەيىن قاماۋعا الۋ جازاسى قاراستىرىلعان.

ەسكە سالايىق، بۇعان دەيىن ىبىقتى ساي شاتقالىندا ۆانداليزم جاسالعانىن كۋاگەرلەر ۆيدەوعا ءتۇسىرىپ العان ەدى. كادرلاردا ەر ادامنىڭ بەلگىسىز زاتپەن جارتاستىڭ بەتىنە جازۋ ويىپ جاتقانى كورىنەدى. ۆيدەو الەۋمەتتىك جەلى قولدانۋشىلارىنىڭ نارازىلىعىن تۋدىردى.