ماڭعىستاۋدا قازا تاپقان اسكەري قىزمەتشىلەردىڭ اتى-جوندەرى بەلگىلى بولدى

ماڭعىستاۋ وبلىسىندا وقۋ-جاتتىعۋ كەزىندە قازا تاپقان اسكەري قىزمەتشىلەردىڭ اتى-جوندەرى:

اعا لەيتەنانت ولجاس مۇحتار ۇلى؛

م/ق ماتروس سەرجان تالعات ۇلى اياپبەرگەن؛

م/ق ماتروس ومىربەك ءومىربولات ۇلى ءومىرزاق؛

م/ق ماتروس الماس ءجۇسىپ ۇلى كوبەنوۆ؛

م/ق ماتروس اقىلبەك قابدەن ۇلى تولەگەن؛

م/ق ماتروس جەڭىس تلەۋ ۇلى تەمىرعاليەۆ؛

م/ق ماتروس مەيرامبەك ەرمۇحان ۇلى بەردىحانوۆ؛

م/ق ماتروس اسەت سامات ۇلى جاڭاباي؛

م/ق ماتروس ازامات بولاتبەك ۇلى ءمادىحان؛

م/ق ماتروس داستان نۇربول ۇلى بەگەي؛

م/ق ماتروس اقجايىق بولاتبەك ۇلى گيلاج؛

م/ق ماتروس ولجاس ءتاجىباي ۇلى ديحانبايەۆ.

- قازاقستان رەسپۋبليكاسىنىڭ قورعانىس مينيسترلىگى جانە قارۋلى كۇشتەردىڭ جەكە قۇرامى ماڭعىستاۋ وبلىسىندا وقۋ-جاتتىعۋ كەزىندە قازا تاپقان اسكەري قىزمەتشىلەردىڭ تۋعان-تۋىستارى مەن جاقىندارىنا قايعىرىپ كوڭىل ايتادى، - دەلىنگەن حابارلامادا.

ەسكە سالايىق، 2026-جىلعى 24-قىركۇيەكتە كاسپييدەگى اسكەري وقۋ-جاتتىعۋ كەزىندە 9 اسكەري قىزمەتشى قازا تاپقانىن حابارلاعانبىز. ءۇش اسكەري قىزمەتشى قۇتقارىلدى. ولاردىڭ بىرەۋى اۋرۋحاناعا جاتقىزىلدى. قالعاندارىن ىزدەۋ جۇمىستارى جالعاسىپ جاتىر.

كەيىنىرەك اسكەري قىزمەتشىلەردىڭ قازا بولۋ فاكتىسى بويىنشا قىلمىستىق ءىس قوزعالىپ، تەرگەلىپ جاتقانىن جازدىق.

ماڭعىستاۋ وبلىسىندا اسكەري قىزمەتشىلەردىڭ قازا بولۋ سەبەپتەرىن تەرگەپ-تەكسەرۋ جونىندەگى ۇكىمەتتىك كوميسسيا قۇرىلدى.

كوميسسيا قۇرامىنا قورعانىس ءمينيسترى، ماڭعىستاۋ وبلىسىنىڭ اكىمى، ەڭبەك جانە حالىقتى الەۋمەتتىك قورعاۋ، توتەنشە جاعدايلار، دەنساۋلىق ساقتاۋ، كولىك مينيسترلىكتەرىنىڭ باسشىلىعى، باس اسكەري پروكۋرور، سونداي-اق شەكارا قىزمەتىنىڭ وكىلدەرى كىردى.

سونىمەن قاتار، پرەزيدەنت قاسىم-جومارت توقايەۆ ماڭعىستاۋ وبلىسىندا اسكەري وقۋ-جاتتىعۋ كەزىندەگى قايعىلى وقيعا سالدارىنان قازا تاپقان اسكەري قىزمەتشىلەردىڭ تۋعان- تۋىستارىنا كوڭىل ايتتى.

اسكەريلەردىڭ قازاسىنان كەيىن اقتاۋدا ءۇش كۇنگە جوسپارلانعان مەرەكەلىك شارالار وتپەيتىن بولدى.

25-قىركۇيەك قازاقستاندا جالپى ۇلتتىق ازا تۇتۋ كۇنى بولادى.