استانا. KAZINFORM - وتكەن تۇندە اۋعانستاندا قايعىلى وقيعا بولدى. ماسكەۋگە بەت العان ءۇندى كومپانياسىنىڭ ۇشاعى اۋعانستاننىڭ سولتۇستىك-شىعىسىندا اپاتقا ۇشىرادى.
بۇل تۋرالى جەرگىلىكتى اقپارات كوزدەرىنە سىلتەمە جاساپ Aamaj News اگەنتتىگى حابارلادى، دەپ جازدى euronews.
اقپاراتقا سايكەس، ۇشاق باداحشان پروۆينتسياسىندا تەحنيكالىق اقاۋعا بايلانىستى قۇلاعان.
«تاليبان» قوزعالىسى وكىلدەرىنىڭ مالىمدەۋىنشە، وقيعانىڭ ءمان-جايىن انىقتاۋ ءۇشىن ايماققا ارنايى توپ جىبەرىلگەن.
روساۆياتسيانىڭ حابارلاۋىنشا، اۋعانستاندا راداردان جوعالىپ كەتكەن ۇشاق Athletic Group كومپانياسىنا تيەسىلى، ونىڭ بورتىندا التى ادام بولعان. ۇشاق تاشكەنت ارقىلى ماسكەۋگە بەت العان. روساۆياتسيا اۋعانستان مەن تاجىكستاننىڭ اۆياتسيالىق بيلىگىمەن بايلانىستا.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.