استانا. KAZINFORM - تايلاند كورولدىگىنىڭ چيانگماي قالاسىندا بوكستان ەرلەر جانە ايەلدەر اراسىندا ءوتىپ جاتقان ازيا چەمپيوناتىندا ابىلايحان ءجۇسىپوۆ العاشقى جەكپە-جەگىن ءساتتى وتكىزدى.
ابىلايحان 71 كەلىگە دەيىنگى سالماقتا تۇركمەنستاندىق بايرامدۋردى نۇرمۇحامەدوۆپەن قولعاپ ءتۇيىستىردى.
بۇل جەكپە-جەك وتانداسىمىزدىڭ ايقىن باسىمدىلىعىمەن ءوتتى. ءۇشىنشى راۋندتا ول قارسىلاسىن نوكداۋنعا جىبەردى. قورىتىندى ەسەپ - 5:0. وسىلايشا، ابىلايحان ءجۇسىپوۆ تە جارتىلاي فينالعا جولداما الدى.
ەندى قازاقستاننان ايگەرىم ساتتىبايەۆا مەن سىمبات ءالياسقار رينگكە شىعادى.
ەسكە سالا كەتەيىك، بۇدان بۇرىن بوكستان ازيا چەمپيوناتىندا دياس مولجىگىتوۆتىڭ جارتىلاي فينالعا جولداما العانىن جازعان بولاتىنبىز. سونداي-اق دۋلات بەكباۋوۆ مالايزيالىق بوكسشىنى نوكاۋتپەن جەڭدى.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.