48 كەلىگە دەيىنگى سالماق دارەجەسىندە ونەر كورسەتەتىن قازاقستاندىق دزيۋدوشىنىڭ ەنشىسىندە قازىر 3898 ۇپاي بار. بۇل كورسەتكىش وعان الەم رەيتينگىندە بەسىنشى ورىنعا تۇراقتاۋعا مۇمكىندىك بەردى.
48 كەلىگە دەيىنگى سالماقتاعى ۇزدىك بەستىك:
حۋەي سينران (قىتاي) - 4985 ۇپاي
شيرين بۋكلي (فرانسيا) - 4690
سابينا گيليازوۆا (رەسەي) - 4603
لاۋرا مارتينەس ابەلەندا (يسپانيا) - 4175
ابيبا ابۋجاقىنوۆا (قازاقستان) - 3898.
ەسكە سالساق، ابيبا ابۋجاقىنوۆا 2025-جىلدىڭ 20-قىركۇيەگىندە ءوز سالماعىندا IJF رەيتينگىنىڭ كوشىن باستاعان ەدى. ول جىل سوڭىنا دەيىن الەمنىڭ ءبىرىنشى ءنومىرى مارتەبەسىن ساقتاپ تۇردى. ءتىپتى 2025-جىلدىڭ 24-جەلتوقسانىنداعى رەيتينگتە 5096 ۇپايمەن كوش باسىندا بولعان.
الايدا 2026-جىلدىڭ كوكتەمىندەگى بىرنەشە تۋرنيردەن كەيىن قازاقستاندىق سپورتشى ءوز پوزيتسياسىن جوعالتىپ الدى. ناۋرىز ايىندا اۆسترياداعى گران-پري كەزەڭىندە بەسىنشى ورىن العاننان كەيىن ونىڭ رەيتينگتەگى كورسەتكىشى تومەندەي باستادى.