استانا. KAZINFORM - ورتا سالماقتاعى بۇرىنعى الەم چەمپيونى گەننادي گولوۆكيننىڭ جاتتىقتىرۋشىسى بولعان ابەل سانچەس GGG قاربالاسقا تولى ءارى ابىرويلى بوكس مانسابىنان كەيىن وتباسى مەن جەكە ىستەرىنە ۋاقىت بولۋگە لايىق ەكەنىن ايتتى، دەپ حابارلايدى Sports.kz.
- ول ەندىگى ۋاقىتىن وتباسى مەن بالالارىنا ارناعانىنا قۋانادى دەپ ويلايمىن. بالالار تەز وسەدى. ول ءبىرشاما جاسقا كەلىپ قالدى، قازىر 41 دە. ونى قايتادان بوكسشى رەتىندە كورگىم كەلەدى دەپ ايتا المايمىن. ءبىراق مەن ونىڭ وتباسىنىڭ مۇشەسى ەمەسپىن. ول وتباسىمەن بىرگە ۋاقىت وتكىزىپ، وزىنە جانە وتباسىنا قالاي دۇرىس بولاتىنىن شەشۋى كەرەك، - دەدى سانچەس Little Giant Boxing-كە.
ەستەرىڭىزگە سالا كەتەيىك، 26- اقپاندا گەننادي گولوۆكين تيمۋر قۇلىبايەۆتىڭ ورنىنا قازاقستان رەسپۋبليكاسى ۇلتتىق وليمپيادا كوميتەتىنىڭ پرەزيدەنتى بولىپ رەسمي تۇردە سايلاندى.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.