ابباس اراكچي: يران ليۆاندا اتىس-شابىستىڭ توقتاعانىن قالايدى
16:34, 06 - قازان 2024
استانا قازاقپارات - يران ارى قاراي دا «حەزبوللا» ۇيىمى مەن ليۆان حالقىنا قولداۋ ءبىلدىرۋىن جالعاستىرادى، دەپ حابارلايدى 24kz.
يسلام رەسپۋبليكاسىنىڭ سىرتقى ىستەر ءمينيسترى ابباس اراكچي ءتيىستى مالىمدەمەنى بەيرۋتكە ءىس ساپارى كەزىندە جاسادى. ول سونداي-اق ليۆانداعى اتىس-شابىستىڭ توقتاعانىن قالايتىنىن دا جەتكىزدى. ءبىراق ول ءۇشىن تۇرعىنداردىڭ قۇقىقتارى ساقتالۋ كەرەك دەدى.
ابباس اراكچي، يراننىڭ سىرتقى ىستەر ءمينيسترى:
- ءبىز ليۆاندا وق اتۋدى دوعارۋعا قاتىستى جەرلىگىكتى بيلىك جانە وزگە دە ەلدەرمەن ۇنەمى بايلانىستامىز. وسىنداي قيىن كەزەڭدە بەيرۋتكە كەلۋىم ءبىزدىڭ «حەزبوللا» ۇيىمىن، جالپى بۇكىل ليۆان حالقىن قولدايتىنىمىزدىڭ بەلگىسى. ءبىزدىڭ شابۋىلداردى جالعاستىرۋ نيەتىمىز جوق. ءبىراق يزرايل يرانعا قارسى ارەكەت ەتەتىن بولسا، جاۋاپ قايتارامىز.