«ازاماتتارعا ارنالعان ۇكىمەت» مەملەكەتتىك كورپوراتسياسى اق اباي وبلىستىق فيليالىنىڭ مالىمەتىنە سۇيەنسەك، ءوڭىر بويىنشا بيىل 4000 نان استام بالا تۋعان.
«قىز بالالار اراسىندا ەڭ تانىمال ەسىمدەر - توميريس، ايلانا، ارۋنا بولسا، ۇلدار اراسىندا حانتورە، ارسەن جانە ايبار ەسىمدەرى الدىڭعى قاتارعا شىقتى. بۇل ەسىمدەر جاڭا تۋعان نارەستەلەرگە 20 دان استام رەت قويىلعان»، - دەلىنگەن اقپاراتتا.
كەيبىر اتا-انالار بالالارىنا ەرەكشە ات قويعان. مىسالى، رۋمايسا ەسىمدى قىز جانە يلدان ەسىمدى ۇل ءبىر رەت قانا تىركەلگەن.
«ەسكە سالا كەتەيىك، نارەستەنىڭ تۋۋىن تىركەۋگە ءوتىنىش بەرۋدىڭ بىرنەشە جولى بار. اتاپ ايتقاندا، ح ق ك و نەمەسە ەلەكتروندىق ۇكىمەت پورتالى ارقىلى. سونداي-اق ەكىنشى دەڭگەيلى بانكتەردىڭ قوسىمشالارى ارقىلى. بۇدان بولەك، ازاماتتار بۇل قىزمەتتى پرواكتيۆتى فورماتتا الا الادى. ياعني، جاڭا تۋعان نارەستەنىڭ اناسىنا 1414 نومىرىنەن قىزمەتتى كورسەتۋگە قاجەتتى اقپارات سۇرالعان قۇتتىقتاۋ SMS جىبەرىلەدى»، - دەلىنگەن حابارلامادا.
بۇعان دەيىن قازاقستاندا شالا تۋعان سابيلەرگە قانداي كۇتىم كورسەتىلەتىندىگىن حابارلاعان ەدىك.