سەمەي. KAZINFORM - بوران، كوكتايعاق جانە قاتتى جەل ءۇش رەسپۋبليكالىق جانە ەكى وبلىستىق جول ۋچاسكەسىنىڭ ۋاقىتشا جابىلۋىنا سەبەپ بولدى، دەپ حابارلايدى توتەنشە جاعدايلار مينيسترلىگىنىڭ باسپا ءسوز قىزمەتى.
حالىقتىڭ قاۋىپسىزدىگىن قامتاماسىز ەتۋ ماقساتىندا اباي وبلىسىنىڭ توتەنشە جاعدايلار دەپارتامەنتى، پوليتسيا دەپارتامەنتى جانە جەرگىلىكتى اتقارۋشى ورگانداردىڭ قىزمەتكەرلەرى بەكەتتەر ۇيىمداستىرىپ، جول جاعدايىن باقىلاۋدى جالعاستىرىپ، جۇرگىزۋشىلەرمەن ءتۇسىندىرۋ جۇمىستارىن جۇرگىزىپ جاتىر.
سوڭعى اقپاراتقا سايكەس، جىلۋ پۋنكتەرىنە 52 دەن استام ادام، ونىڭ ىشىندە 4 بالا جەتكىزىلىپ، ورنالاستىرىلدى.
ايتا كەتەيىك، ش ق و-دا بوران مەن كوكتايعاققا بايلانىستى 3 جولدا كولىك قوزعالىسى شەكتەلدى.
بۇعان دەيىن قازاقستاندا 24-قاراشا كۇنى ءبىرقاتار وڭىردە جولداردا قوزعالىس شەكتەۋى ساقتالىپ وتىرعاندىعى حابارلانعان.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан