سەمەي. KAZINFORM - اباي اۋدانىندا قۇنانباي وسكەنباي ۇلىنىڭ 220 جىلدىق مەرەيتويىندا 500 بالا ءبىر مەزەتتە اشامايعا وتىردى. بۇگىندە ۇمىتىلا باستاعان ءداستۇردىڭ ماقساتى - بالالاردىڭ بويىنا ۇلتتىق قۇندىلىقتى دارىتۋ، مىقتى، تاباندى بولىپ وسۋگە باۋلۋ.
بۇل تۋرالى اباي وبلىسىنىڭ اكىمدىگى مالىمدەدى.
شاراعا اباي اۋدانىنا قاراستى 9 اۋىلدىق وكرۋگتەن 4-15 جاس ارالىعىنداعى بالالار قاتىستى.
ولار بۇعان 2 اي بويى دايىندالعان. ناتيجەسىندە تۇركىتىلدەس مەملەكەتتەر اراسىندا جاڭا رەكورد ورناپ، قازاقستاننىڭ رەكوردتار كىتابىنا ەندى.
قازاقستان رەكوردتار كىتابىنىڭ وكىلى قۋاندىق قۇدايبەرگەنوۆ 500 بالانى اشامايعا وتىرعىزۋدان رەكورد ورناتقانى ءۇشىن سەرتيفيكات تابىستادى.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.