اباي وبلىسىندا 500 بالا اشامايعا وتىرىپ، رەكوردتار كىتابىنا ەندى
09:15, 20 - ماۋسىم 2024
سەمەي. KAZINFORM - اباي اۋدانىندا قۇنانباي وسكەنباي ۇلىنىڭ 220 جىلدىق مەرەيتويىندا 500 بالا ءبىر مەزەتتە اشامايعا وتىردى. بۇگىندە ۇمىتىلا باستاعان ءداستۇردىڭ ماقساتى - بالالاردىڭ بويىنا ۇلتتىق قۇندىلىقتى دارىتۋ، مىقتى، تاباندى بولىپ وسۋگە باۋلۋ.
بۇل تۋرالى اباي وبلىسىنىڭ اكىمدىگى مالىمدەدى.
شاراعا اباي اۋدانىنا قاراستى 9 اۋىلدىق وكرۋگتەن 4-15 جاس ارالىعىنداعى بالالار قاتىستى.
ولار بۇعان 2 اي بويى دايىندالعان. ناتيجەسىندە تۇركىتىلدەس مەملەكەتتەر اراسىندا جاڭا رەكورد ورناپ، قازاقستاننىڭ رەكوردتار كىتابىنا ەندى.
قازاقستان رەكوردتار كىتابىنىڭ وكىلى قۋاندىق قۇدايبەرگەنوۆ 500 بالانى اشامايعا وتىرعىزۋدان رەكورد ورناتقانى ءۇشىن سەرتيفيكات تابىستادى.