اباي وبلىسىنىڭ اۋماعىندا جاياۋ جۇرگىنشىلەردىڭ جولدى بەلگىلەنبەگەن جەردەن كەسىپ ءوتىپ، ءوز ءومىرى مەن اينالاسىنداعىلاردىڭ قاۋىپسىزدىگىنە قاتەر ءتوندىرۋ جاعدايلارى ءجيى كەزدەسەدى. سوڭعى دەرەكتەرگە سايكەس، جىل باسىنان بەرى 1456 جاياۋ جۇرگىنشى جول قوزعالىسى ەرەجەلەرىن بۇزىپ، جولدى رۇقسات ەتىلمەگەن جەردەن كەسىپ وتكەن.
- وسىعان بايلانىستى اباي وبلىسىندا پوليتسەيلەر ازاماتتاردى جول قوزعالىسى ەرەجەلەرىن قاتاڭ ساقتاۋعا شاقىرادى. قۇقىق قورعاۋ ورگاندارى قۇقىق بۇزۋشىلىقتاردى انىقتاپ، جاۋاپكەرشىلىككە تارتۋمەن قاتار، الدىن الۋ شارالارىن دا كۇشەيتىپ كەلەدى. اتاپ ايتقاندا، پاترۋلدىك باقىلاۋ جۇمىستارى كۇشەيتىلىپ، وقۋ ورىندارى مەن قوعامدىق ورىنداردا ءتۇسىندىرۋ شارالارى جۇرگىزىلەدى. سونىمەن قاتار جول قاۋىپسىزدىگى مادەنيەتىن قالىپتاستىرۋعا باعىتتالعان اقپاراتتىق ناۋقاندار ۇيىمداستىرىلادى، - دەلىنگەن حابارلامادا.