استانا. KAZINFORM - سەمەي - كۋرچاتوۆ اۆتوجولىندا پوليتسيا قىزمەتكەرلەرىنىڭ نازارىن تاسجول بويىمەن قوزعالىپ كەلە جاتقان تراكتور اۋدارعان. جۇرگىزۋشى كۋالىگى جوق ەر ادام تەحنيكانى الكوگولدىك ماس كۇيدە باسقارعان، دەپ حابارلايدى turkystan.kz.
پوليتسيا تراكتوردى توقتاتقاننان كەيىن جۇرگىزۋشى وزىمەن بىرگە قۇجاتتارى جوق ەكەنىن ايتقان. تەكسەرۋ بارىسىندا ونىڭ كولىك قۇرالىن باسقارۋ قۇقىعى مۇلدەم بولماعانى انىقتالدى.
تراكتور تىزگىنىندە جارما اۋدانىنىڭ 42 جاستاعى تۇرعىنى نۇرجان كۇسمانوۆ بولعان. مەديتسينالىق كۋالاندىرۋ ونىڭ ورتاشا دارەجەدەگى الكوگولدىك ماس كۇيدە بولعانىن راستادى.
جۇرگىزۋشى اكىمشىلىك جاۋاپكەرشىلىككە تارتىلدى. سوت قاۋلىسىمەن وعان 20 تاۋلىك اكىمشىلىك قاماۋ جازاسى تاعايىندالدى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан