اباي وبلىسى پوليتسيا دەپارتامەنتى باسپا ءسوز قىزمەتىنىڭ ءمالىم ەتكەنىندەي، قوعامدىق قاۋىپسىزدىك كۇنتىزبەدەگى دەمالىسقا قارامايدى. ءتارتىپتىڭ ساقتالۋى، قۇقىق بۇزۋشىلىقتاردىڭ الدىن الۋ جانە تۇرعىنداردىڭ تىنىشتىعىن قورعاۋ - پوليتسيا قىزمەتكەرلەرىنىڭ كۇندەلىكتى جۇمىسى.
وسى مىندەتتەردى ورىنداۋ ماقساتىندا اباي وبلىسىندا دەمالىس كۇندەرى پروفيلاكتيكالىق ءىس-شارالار ۇيىمداستىرىلىپ، پوليتسيا قىزمەتكەرلەرى قوعامدىق ورىندار مەن تۇرعىن سەكتورلاردا باقىلاۋ جۇمىستارىن جۇرگىزدى.
ءىس-شارالار اياسىندا قالا اۋماعىنداعى كوڭىل كوتەرۋ ورىندارى تەكسەرىلىپ، كەلۋشىلەر مەن مەكەمە اكىمشىلىكتەرىنە قوعامدىق ءتارتىپتى ساقتاۋ تالاپتارى ءتۇسىندىرىلدى. اسىرەسە، قۇقىق بۇزۋشىلىقتار ورىن الۋى مۇمكىن اۋماقتارعا باسىمدىق بەرىلدى.
پروفيلاكتيكالىق ەسەپتە تۇرعان ازاماتتار دا پوليتسيا نازارىنان تىس قالعان جوق. ولاردىڭ تۇرعىلىقتى مەكەنجايلارى تەكسەرىلىپ، بەلگىلەنگەن مىندەتتەر مەن شەكتەۋلەردى ساقتاۋىنا باقىلاۋ جاسالدى. مۇنداي جۇمىستار قۇقىق بۇزۋشىلىقتاردىڭ قايتالانۋىنا جول بەرمەۋگە باعىتتالعان.
- ناتيجەسىندە 96 ازاماتتىق قارۋ يەسى تەكسەرىلىپ، 69 پروبلەمالىق مەكەنجاي انىقتالدى. 99 مەكەنجايدىڭ پاسپورتى جاساقتالدى. 281 تۇرعىن ءۇي نىسانى، 69 ساياجاي ءۇيى، 18 شارۋا جانە فەرمەرلىك قوجالىق پەن قىستاۋ، سونداي-اق 15 قاراۋسىز قالعان جانە شالعاي نىسان تەكايماسەرىلدى. بۇدان بولەك، پوليتسيا ەسەبىندە تۇرعان 296 ازامات تۇرعىلىقتى مەكەنجايى بويىنشا باقىلاۋدان ءوتتى. جول قوزعالىسى قاۋىپسىزدىگى دە ءجىتى نازاردا. سونداي-اق، وبلىس اۋماعىندا دەمالىس كۇندەرى 27 جول-كولىك وقيعاسى تىركەلدى. ج ك و ناتيجەسىندە زارداپ شەككەندەر جوق، - دەلىنگەن ۆەدومستۆو تاراتقان اقپاراتتاوڭىر