جەدەل- تەرگەۋ ءىس-شارالارى بارىسىندا اۋدانداعى شارۋا قوجالىقتارىنىڭ بىرىنەن ۇساق مالدى بىرنەشە رەت ۇرلاۋعا قاتىسى بار ادامدار توبىنىڭ قىلمىستىق ارەكەتى توقتاتىلعان.
تەرگەۋ ناتيجەسىندە بىرنەشە ۇرلىققا 11 ادامنىڭ قاتىسى بارى انىقتالدى. ولار جالپى 36 باس ۇساق مالدى ۇرلاعان. سونداي-اق تاعى 14 باس مالدى ۇرلاۋعا ارەكەت جاساعان.
تەرگەۋ اياقتالعاننان كەيىن قىلمىستىق ءىس سوتقا جولداندى.
- سوت تالقىلاۋى بارىسىندا مەملەكەتتىك ايىپتاۋشى سوتتالۋشىلاردىڭ تاعىلعان قىلمىستاردى جاساۋداعى كىناسىن راستايتىن دالەلدەمەلەردى ۇسىندى. سوت ۇكىمىمەن بارلىق 11 سوتتالۋشى كىنالى دەپ تانىلىپ، ءارتۇرلى مەرزىمدەرگە باس بوستاندىعىنان ايىرىلدى، - دەلىنگەن پروكۋراتۋرا حابارلاماسىندا.
قازىرگى ۋاقىتتا سوت ۇكىمى زاڭدى كۇشىنە ەنگەن جوق.
ايتا كەتەيىك، بۇعان دەيىن اباي وبلىسىندا مال ۇرلىعىنىڭ الدىن الۋ ماقساتىندا 2 مىڭنان استام مالعا GPS- باقىلاۋ قۇرىلعىسى ورناتىلعانىن جازعان ەدىك.