ۆەدومستۆو مالىمەتىنشە، كەشە 112 پۋلتىنە اياگوز اۋدانىنداعى قوپا اۋىلىنان 35 شاقىرىم جەردە ءۇش ادام مىنگەن جەڭىل اۆتوكولىكتىڭ باتپاققا باتىپ قالعانى تۋرالى حابارلاما تۇسكەن. ولاردىڭ ەكەۋى قىتاي ازاماتتارى بولعان.
وقيعا ورنىنا ت ج م كۇشتەرى مەن تەحنيكاسى جەدەل جىبەرىلگەن. تۋريستەر جولداعان گەولوكاتسيا ارقىلى قۇتقارۋشىلار كورسەتىلگەن اۋماققا قىسقا ۋاقىتتا جەتكەن.
وقيعا ورنىندا جۇرگىزۋشىنىڭ كولىكتىڭ جانىندا قالعانى، ال ەكى شەتەل ازاماتى كومەك ىزدەپ جاياۋ شىعىپ، دالادا اداسىپ كەتكەنى انىقتالعان.
قۇتقارۋشىلار بىردەن ىزدەستىرۋ جۇمىستارىن باستاپ، اۋماقتى شولۋ ءۇشىن ۇشقىشسىز ۇشۋ اپپاراتىن پايدالانعان. بۇل جولسىز دالا جاعدايىندا جانە باعدار بەرەتىن نىساندار از بولعانىنا قاراماستان ىزدەۋدى جەدەل جۇرگىزۋگە مۇمكىندىك بەرگەن.
ناتيجەسىندە تۋريستەر جاقىن ماڭداعى شارۋا قوجالىعىنىڭ جانىنداعى دالا اۋماعىنان تابىلدى. ءۇش ازامات تا امان-ەسەن قۇتقارىلدى. مەديتسينالىق كومەك قاجەت بولماعان.
ايتا كەتەيىك، تالدىقورعاندا جوعالعان 10 جاستاعى بالا ەكى كۇننەن كەيىن تابىلدى.